Pusat Data lan Informasi Perencanaan Pembangunan

Pusat Data lan Informasi Perencanaan Pembangunan (utawi ingkang asring dipuncekak Pusbindiklatren) inggih punika unsur penunjang ingkang mapan wonten ing sak ngandhapipun Badan Perencanaan Pembangunan Nasional lan gadhah tanggel jawab dhateng Kepala Badan Perencanaan Pembangunan Nasional kanthi lantaran Sekretaris Utama. Lembaga punika dipunpandhegani déning satunggaling kepala. Kepala Pusat Data lan Informasi Perencanaan Pembangunan ingkang sapunika inggih Dr. Oktorialdi, MA.^[1]

Logo Bapenas

Tugas lan fungsi

Pusat Data lan Informasi Perencanaan Pembangunan punika gadhah tugas kanggé nyamektakaken lan ngrembakakaken prasarana Teknologi Informasi lan Komunikas (TIK), nindakaken pangempalan lan ngemunah dhokumèn arsip, kapustakan, data, lan informasi, saha nindakaken koordinasi pangrembakaning jaringan informasi lan pabukon kanggé njurung perencanaan pembangunan. Kangge nindakaken tugasipun, Pusat Data lan Informasi Perencanaan Pembangunan gadhah fungsi kados makaten:^[2]

Nyamektakaken lan ngrawat prasarana TIk
Nliti, ndhudhah lan ngrembakakaken prasarana TIK
Ngempalaken lan ngemunah bahan pustaka, arsip, data lan informasi kanggé njurung perencanaan pembangunan
Nyajekaken informasi lan publikasi perencanaan pembangunan
Ngelola pabukon lan ngrembakakaken jaringan pabukon
Nindakaken koordinasi kanggé nyajekaken basis data, informasi, lan nemtokaken platform TIK kanggé sarana ingkang saged

Susunan Organisasi

Susunan organisasi Pusat Data lan Informasi Perencanaan Pembangunan, kapérang dados gangsal, inggih punika:

Babagan Prasarana Teknologi Informasi lan Komunikasi, gadhah tugas kanggé nyamektakaken, njagi lan ndayaguna prasarana tèknologi informasi lan komunikasi, kalebet prasarana dokumentasi lan pabukon, kanggé njurung lampahing tugas lan fungsi Badan Perencanaan Pembangunan Nasional. Babagan Prasarana Teknologi Informasi lan Komunikasi kapérang dados:
- Sub Babagan Pendayagunaan Prasarana TIK;
- Sub Babagan Pemeliharaan Prasarana TIK
- Sub Babagan Pemantauan Program Diklat lan Jabatan Fungsional Perencana;
- Sub Babagan Kajian Program Diklat lan Jabatan Fungsional Perencana.
Babagan Pengkajian lan Pengembangan ingkang gadhah tugas kanggé nindakaken pengkajian, pangrembakaning lan nemtokaken standar ngginakaken prasarana TIK, kanggé ngemunah lan nyajekaken data, informasi, arsip, dhokumèn, lan pabukon kanggé njurung lampahing tugas lan fungsi Badan Perencanaan Pembangunan Nasional. Babagan Pengkajian lan Pengembangan kapérang dados kalih, inggih punika:
- Sub Babagan Pengkajian lan Pengembangan Jaringan Sistem Informasi lan Komunikasi;
- Sub Babagan Pengkajian lan Pengembangan Sistem Aplikasi Komputer.
Babagan Perpustakaan lan kearsipan ingkang gadhah tugas nindakaken perencanaan, penataan, pengendalian, lan pembinaan kegiyatan dokumentasi lan kearsipan, saha pelayanan pabukon ing lingkungan Badan Perencanaan Pembangunan Nasional.

Babagan pabukon lan kearsipan wonten ing sak nginggiling sub pérangan tata usaha.

Sub Pérangan Tata Usaha, ingkang gadhah tugas kanggé nindakaken urusan persuratan, dokumentasi, perlengkapan, lan rumah tangga Pusat Data lan Informasi Perencanaan Pembangunan.

Cathetan suku

↑ Struktur Organisasi Archived 2013-01-29 at the Wayback Machine. (dipunundhuh tanggal 3 Pebruari 2013)
↑ Pusat Pembinaan, Pendidikan, dan Pelatihan Perencana Archived 2013-02-02 at the Wayback Machine. (dipunundhuh tanggal 3 Pebruari 2013)

[internet_2-1] Struktur Organisasi Archived 2013-01-29 at the Wayback Machine. (dipunundhuh tanggal 3 Pebruari 2013)

[internet_1-2] Pusat Pembinaan, Pendidikan, dan Pelatihan Perencana Archived 2013-02-02 at the Wayback Machine. (dipunundhuh tanggal 3 Pebruari 2013)

[1]

[2]