Rahim utawa guwa garba utawa kandhutan yaiku péranganing organ reproduksi wanita kang wujudé kaya pir kuwalik, nduwé otot lan dumunung ing panggul antarané kandung kemih lan rektum.[1][2] Organ iki kanggo njaga janin sadurungé lair kaya déné omah.[1][3] Sawisé babaran, rahim iki aboté kurang luwih 0,7 kilogram.[3] Témbok guwa garba kasusun saka 3 lapis jaringan, yaiku lapisan njaba (serosa), tengah (myometrium), lan njero (endometrium).[4] Panggawéyan endhog lan menstruasi kadadéan kanthi siklis sing kalampah kanthi 4 fase yaiku: 1. Tahap menstruasi (dina kaping 1-7), yaiku rontokélan metuné témbok guwa garba saka njero awak. Perkara iki disebabké kurangé kadar hormon seks ing sakjrone awak. 2. Tahap praovulasi (dina kaping 7-13), yaiku wanciné nggawéné lan matengaké sèl endhog ing saknjeroné ovarium amarga mundhakékadar estrogen ing njero awak. 3. Tahap Ovulasi, yaiku metuné sèl endhog sing wis mateng saka ovarium sing lumrahé ingaran mangsa subur. Yèn siklusé pas wanciné, ovulasi kadadéan witara dina kaping 14 saka prastawa menstruasi. 4. Tahap pascaovulasi (dina kaping 15-28), yaiku mangsa sèl endhog ora nglakoni pembuahan. Ing tahap iki, produksi progesteron mundhak nganti endometrium dadi luwih kandel lan siyap nampa embrio kanggo modot. Yèn ora ana fertilisasi, hormon seks ing sak jeroné awak dadi entèk lan ndadèkaké endometrium rontok.

Uterus
Rincian
PurwakaMüllerian duct
Arteriarteri ovarium, arteri rahim
Venavena rahim
Getah beningbody and cervix to internal iliac lymph nodes, fundus to para-aortic lymph nodes plus superficial inguinal lymph nodes
Pengenal
MeSHD014599
TA98Masalah skrip: Fungsi "getTAValue" ora ana.
TA23500
FMA17558
Terminologi anatomi
[[[d:Masalah skrip: Fungsi "pageId" ora ana.|besut ing Wikidata]]]

Cathetan suku besut

  1. a b Uterus
  2. Uterus
  3. a b "Uterus care". Diarsip saka sing asli ing 2008-09-14. Dibukak ing 2011-08-02.
  4. [Biology for Junior High School III,kaca 24, taun 2009 Yudhistira]