Resolusi Déwan Kaamanan PBB nomer 338

Resolusi 338 utawa jangkepé Resolusi Déwan Kaamanan PBB nomer 338 iku sawijining resolusi sing diwetokaké déning Déwan Kaamanan PBB tanggal 22 Oktober taun 1973 sing diusulaké déning Amérika sarékat bebarengan karo Uni Sovyet kanggo mayungi gencatan senjata konflik ing Wétan Tengah kang dikenal minangka Perang Yom Kippur, Perang Oktober utawa Perang Ramelan. Resolusi sing isiné telung pasal iku wiwit efektif rolas jam sawisé diumumaké.

Isi Resolusi

Déwan Kaamanan:^[1]

Ngajak, para pihak sing lagi perang supaya nganakaké gencatan senjata lan ngendhegaké aksi militèr ora punjul 12 jam sawisé kaputusan iki, ing posisi sing lagi dikuwasani.
Ngajak, para pihak sing kagandhèng supaya énggal nindakaké resolusi 242 (1967)
Mutusaké, supaya énggal nganakaké négosiasi kanthi diseksèni (diawasi) lan nyiptakaké perdamaian sing adil lan lestari ing Wétan Tengah

Réferènsi

↑ "Resolusi Déwan Kaamanan PBB 338" (PDF). Diarsip saka sing asli (PDF) ing 2007-06-25. Dibukak ing 2008-08-04.

Uga delengen

Pranala njaba

Text of Security Council Resolution 338 Archived 2009-04-18 at the Wayback Machine. at domino.un.org
Charter of the United Nations

[1] "Resolusi Déwan Kaamanan PBB 338" (PDF). Diarsip saka sing asli (PDF) ing 2007-06-25. Dibukak ing 2008-08-04.

[1]