Rindu Purnama (film)
Rindu Purnama [1] iku filem drama kang disutradarai déning Mathias Muchus, diprodhusèri déning Putut Widjanarko, lan diprodhuksi déning Mizan Productions. Film iki dimainaké déning Salma Paramitha, Tengku Firmansyah, Ririn Ekawati, Titi Sjuman, Landung Simatupang, Ratna Riantiarno, Pietrajaya Burnama, Edwin, Jhody, Farril Ramadhan, Muzaki, Irfansyah, lan Tara Maulana.[2][3]
| Rindu Purnama (film) | |
|---|---|
 Poster filem Rindu Purnama | |
| Disutradarani | Mathias Muchus |
| Diprodhuseri | Putut Widjanarko |
| Ditulis déning | Mathias Muchus Ifa Isfansyah |
| Dibintangi | Salma Paramitha Tengku Firmansyah Ririn Ekawati Titi Sjuman Landung Simatupang Ratna Riantiarno Pietrajaya Burnama Teuku Edwin Jody Sumantri Farril Ramadhan Muzaki Irfansyah Tara Maulana |
| Dimusiki | Aksan Sjuman |
| Dibabar déning | Mizan Productions |
Tanggal metu | 10 Fèbruari 2011 |
Suwéné | ... menit |
| Nagara | Indonésia |
Carita besut
Purnama, bocah dalanan kang manggon ing omah singgah. Dhèwèké kena amnèsia wiwit ketabrak montoré Pak Surya, pangusaha kang kédanan kerja lan durung duwé bojo. Purnama ditulungi déning pak Pur, sopir pribadhiné pak Surya.
Nalika sibuk-sibuké nglakoni proyèk anyaré bareng Monik (30 taun), anaké Pak Roy (65 taun), sing duwé perusahaan property panggonané Pak Surya nyambut gawé, Pak Surya péngin supaya Purnama rikat-rikat anggoné mari supaya rikat lunga saka omahé. Surya pisanané mangkel karo anané Purnama, nanging alon-alon owah. Dhèwèké ngupaya nggolèki Purnama liwat gambar-gambar kang dilukis déning Purnama. Nanging Purnama minggat, iku kang gawé Pak Surya dadi gela. Patemonan kang sedhéla karo Purnama wis mènèhi kenangan kang jero banget. Pungkasané Pak Surya intensif nggolèki Purnama. Ing panggonan liya, Sarah lan bocah-bocah ing omah singgah uga nggolèki Rindu Purnama. Nganti ing sajiwining dina, Pak Surya ketemu karo Sarah. Pungkasané kekaroné iku uga nggolèki Rindu Purnama bebarengan. Rindu Purnama wusanané bali menyang omah Singgah dhéwé.[4]
Cedhaké Pak Surya lan Sarah gawé Monik sujana. Asilé proyèk properti kang lagi dilakoni bebarengan karo Pak Surya, dikembangaké laladané nganti kudu nggusur omah singgah. Pak Surya bingung ing sajeroning batiné amarga kudu milih Rindu Purnama, bocah dalanan lan omah singgah kang nasibé bakalan kagusur. Saliyané iku, dhèwèké bakal untung gedhé, karieré bakal apik, kanthi ditresnani dning Monik. Nalika arep digusur, wong-wong kang manggon ing saubengé omah singgah ngamuk kanthi gawa arit, penthung kayu, lan sapanunggalané. Banjur Pak Surya nggagalaké panggusuran amarga layang-layang kanggo nggusur iku ora sah. Wong-wong kabè padha seneng. Pungkasané Pak Surya lan Sarah nikah.[5]
Cathetan sikil besut
- ↑ (ing basa Indonésia)entertainment.kompas.com "Rindu Purnama" Bukan Film Anak Jalanan (kaundhuh tanggal 31 Agustus 2011)
- ↑ (ing basa Indonésia)21cineplex.com RINDU PURNAMA (RIND) (kaundhuh tanggal 31 Agustus 2011)
- ↑ (ing basa Indonésia)kapanlagi.com Rafli Bangga Sumbang Soundtrack 'RINDU PURNAMA' (kaundhuh tanggal 31 Agustus 2011)
- ↑ (ing basa Indonésia)forum.tulissekarang.com[pranala mati permanèn] Rindu Purnama (kaundhuh tanggal 31 Agustus 2011)
- ↑ (ing basa Indonésia)filmindonesia.or.id Archived 2011-09-23 at the Wayback Machine. Rindu Purnama (kaundhuh tanggal 31 Agustus 2011)
 | Artikel filem iki minangka artikel rintisan. Kowé bisa ngéwangi Wikipédia ngembangaké. |