Rudolf Bonnet
Johan Rudolf Bonnet (lair ing Amsterdam, Nèderlan, 30 Maret 1895 – pati ing Laren, Nèderlan, 18 April 1978 ing umur 83 taun) inggih punika satunggalipun pelukis saking nagari Walanda ingkang dangu gesang ing Ubud, Bali minangka seniman lan pelukis.[1] Panajenenganipun dados salah satunggalipun pelukis manca nagari ingkang gadhah kontribusi tumrap majengipun seni lukis Indonésia, mliginipun ing Bali.[1] Rudolf Bonnet lair saking kulawarga Huguenot Walanda ingkang sampun dangu lan pinten-pinten génerasi dados tukang roti ing Kutha Amsterdam.[1] Bonnet tansah mbudidaya supados saged medal saking gaya hidup borjuis supados dados seniman lukis.[1] Amargi remen kaliyan seni saéngga ing taun 1920, Bonnet tindak dhateng Italia lan sinau nglukis ing mrika.[1] Ing Italia Bonnet manggèn ing désa Anticoli Corrado ing sisih kidulipun Kutha Roma.[1] Ing Italia Bonnet kepanggih kaliyan W.O.J. Nieuwenkamp, satunggalipun seniman Walanda ingkang sampun kliling Hindia-Walanda.[1] Nieuwenkamp ingkang nyakinaken Bonnet supados tindak dhateng Bali.[1]
Pendidikan
besutBonnet naté sekolah ing sekolah tèhnik Hendrick de Keyser ing Amsterdam. Ing Taun 1913 panjenenganipun ndhèrèk Ujian Nasional kanggé sekolah Seni Rupa Terapan nagari lan taun 1916 lulus saking sekolah wau.[2] Bonnet ugi nglaksanakaken pendidikan formal ing sekolah Rijksacademie van Beeldende Kunsten (Akademi Seni Adiluhung Walanda) ing Amsterdam lan kursus dekorasi ing Haarlem.[2]
-
Isih urip (ca. 1950) -
Ni Radji Bali (1954) -
Tugu Walter Spies -
Pasar
Cathetan suku
besut- ↑ a b c d e f g h Museum Puri Lukisan history[pranala mati permanèn] dipunundhuh tanggal 1 Agustus 2011)
- ↑ a b (ing basa Walanda)"Rudolf Bonnet" dipunundhuh tanggal 1 Agustus 2011)
Pranala njawi
besut- Museum Puri Lukisan, Ubud, Bali[pranala mati permanèn] - Situs resmi Museum Puri Lukisan, Ubud, Bali.
| Artikel iki minangka artikel rintisan. Kowé bisa ngéwangi Wikipédia ngembangaké. |