Saksofon

Saksofon dikembangaké taun 1840-an déning Adolphe saksofon, dhèwèké saka kebangsaan Bèlgi. Nalika esih nyambutgawe ana ing toko piranti bapake ana ing Brussels, Adolphe miwiti ngembangaké piranti kang duwé proyeksi instrumen kuningan kang lewih lincah saka piranti musik damu kayu. Saksofon piranti sing isih mèlu kulawarga woodwind. Saksofon racaké digawé saka logam lan carané nganggo nggunakaké single-reed kaya klarinet. Saksofon racaké kerep digunakaké ing big band music lan jazz, nanging wiwitané saksofon digunakaké minangka piranti orkestra lan band militèr. Saiki wis akèh merk saksofon kang sumebar ing pasaran kaya ta; Selmer, Conn, Yamaha, Yanagisawa, L.A.Sax, Jupiter, Lincoln, La Fleur, Weril, Lark, lan Subaru.

gambar saksofon

Wong kang nggunakaké saksofon diarani saksofonis. Saksofonis Indonésia kang misuwur ya iku: Embong Rahardjo (alm), Didiek S.S.S, Paulus Cucuripet, lan Kenny Joe. Saksofonis international kang Legendaris kang misuwur kaya ta: Coleman Hawkins, Stanley Turrentine, Zoot Sims,Charlie Parker, lan Joe Henderson. Saksofonis internasional kang misuwur ing jaman saiki kaya ta: Kenny G, Dave Koz, Eric Marienthal, Richard Elliot, Sadao Watanabe, Kirk Whalum, lan Kenny Garretta.

Jinisé saksofon

Béda karo tuts piano sing bisa duwé akèh titi laras wiwit saka do paling cendhak nganti do paling dhuwur, saksofon ora bisa akèh kaya piano. Mula saksofon digawé kanthi akèh ukuran kanggo ngasilaké titi laras kang jangkep kaya piano. Saksofon cacahé ana 14 jinis. Saka 14 jinis iku kang kerep mau ya iku saksofon sopran, alto, lan tenor. Saksofon sopran dhapuré lurus kaya kang dianggo Kenny G. Saksofon alto wujudé rada mlengkung kaya huruf "J". Jinis iki racaké dianggo Dave Koz. Ing nduwuré alto ana saksofon tenor, lan racaké diarani saksofon jazz. Kang luwih gedhé manèh ya iku saksofon bariton.