Sakura Haruno

Sakura Haruno inggih punika salah satunggaling tokoh fiksi saking séri manga & anime Naruto. Piyambakipun inggih punika salah satunggaling ninja wanita ingkang nggabung wonten ing Tim 7 kaliyan Naruto Uzumaki lan Sasuke Uchiha sangandhapipun bimbingan Kakashi Hatake. Piyambakipun ugi salah satunggaling ninja medis wonten sangandhapipun bimbingan Tsunade.

Sakura

Sakura Haruno
Profil
Umur	12-13 di Pérangan I 15-16 di Pérangan II
Kulawarga	Uzumaki Naruto, Uchiha Sasuke, Sai

Latar belakang

Sakura Haruno inggih punika salah satunggal kunoichi (ninja wanita) ingkang kagabung wonten ing Tim 7 sesarengan kaliyan Naruto Uzumaki lan Sasuke Uchiha wonten ing sangandhapipun bimbingan Kakashi Hatake. Piyambakipun tresna sanget kaliyan Sasuke saéngga piyambakipun remen sanget nalikanipun mangertosi bilih piyambakipun lan Sasuke kagabung wonten ing Tim 7, nanging piyambakipun boten remen bilih Naruto ingkang lumebet wonten tim wau. Amargi piyambakipun boten pati remen kaliyan Naruto ingkang malah remen kaliyan piyambakipun. Nalikanipun Sasuke késah ninggalaken Konoha, Sakura wiwit ngupadi supados saged dados ninja ingkang ampuh. Piyambakipun meguru dhumateng Tsunade lan pungkasanipun saged dados salah satunggaling ninja medis ingkang andal.

Karakteristik

Sakura inggih punika salah satunggal tiyang èstri ingkang ayu lan becik ugi. Nanging amargi raos suka dhumateng sasuke punika, sipat ingkang awon milai katingal. Wonten ing Tim 7, piyambakipun mesthi asring ngiyataken Sasuke lan ngèlèk-èlèk dhateng Naruto, amargi piyambakipun boten remen kaliyan Naruto, nanging Naruto tresna dhumateng piyambakipun. Nanging kairing lumampahing wekdal, Sakura wiwit ngertos pangraosipun Naruto.

Sakura punika pinter sanget lan saged ngendalekaken cakranipun kanthi sampurna. Kamangka purwakanipun lemah, pungkasanipun piyambakipun saged dados langkung kiyat. Amargi piyambakipun meguru ninjutsu lan ngèlmu medis dhateng Tsunade. Kanthi sangu kakalih kawegigan punika, Sakura saged tarung kanthi langkung fleksibel lan ugi efisien. Wonten ing serial Naruto Shippuden, Sakura katingal langkung lerem lan saged ngendalekaken pangraosipun.

Sakura gadah satunggal rival, Ino Yamanaka. Kakalihipun tanding kanggé ngangsalaken Sasuke. Rumiyinipun titiyang kalih punika kekancan caket, anamung nalikanipun Sakura mangertosi bilih Ino ugi remen kaliyan Sasuke, Sakura milih kanggé boten kekancan malih kaliyan Ino. Bab punika dipunlakoni amargi kanggé ngindari gerah ing manah lan sasar-susur. Wonten ing serial Naruto Shippuden, titiyang kalih punika kekancan malih.