Shinobi
Shinobi utawa Ninja (忍び utawa 忍者?) (ing basa Jepang, manut barès tegesé "wong kang lumaku kanthi rahasia") ya iku telik sandi ing jaman feodal ing nagara Jepang kang wis dilatih mirunggan seni ninjutsu (seni perobahan sunyi) Jepang.[1] Kaya samurai, para Shinobi uga patuh karo peraturan khasé dhéwé, kang karan ninpo.[1] Miturut para pengamat ninjutsu, kapinterané shinobi iku ora kanggo matèni, nanging kanggo telik sandhi.[1]
Shinobi nganggo klambi kang nutupi saujuré awak kejaba telapak tangan lan pérangan mata.[1] Klambiné iku diarani shinobi shozoko. shinobi shozoko ana telung warna.[2] kang Baju warna ireng biyasa dienggo nalika tugas ing wayah wengi lan bisa dadi tandha yèn targèté wis mesti mati.[2] Werna putih kanggo tugas nalika wayah salju.[2] Werna ijo dadi kamuflase supaya ora bisa didelok nalika ning alas.[2]
Shinobi shozoko duwé sak akèh banget ing jeroné lan jabané.[2] Saké iku kanggo nyimpen gaman-gaman cilik lan barang kang dibutuhaké, kaya ta racun, shuriken, pisau, bom beluk lan liya-liyané.[2] Shinobi uga gawa kotak P3K cilik tradhisional, kang isiné obat lan banyu.[2] Shinobi uga nganggo tabi(sepatu) kang kaya sepatu boot.[2]
Cathetan suku
besut
| Artikel iki minangka artikel rintisan. Kowé bisa ngéwangi Wikipédia ngembangaké. |