Mata

Kanggo panggunan liya delengen: Mata (disambiguasi)

Mata utawa mripat utawa sesoca iku organ pandulu kang ndhetèksi cahya. Sing diayahi mata paling prasaja yakuwi mung meruhi apa lingkungan saubengé padhang apa peteng. Mata kang luwih komplèks dipigunakaké kanggo mènèhi pangertèn visual.

Mata
Secara metafora, mata manungsa sok dianggap "jendela jiwa"
Barkas:Mata.png Diagram mata manungsa. Ora kabèh mata makluk urip duwé anatomi kang padha karo mata manungsa
Pengenal
TA98
TA2	113, 6734
Terminologi anatomi

Organ mata manungsa

Organ njaba

• Idep
• Alis mata
• Klopak mata

Organ njero

Pérangan-pérangan sajeroning organ mata ngeteraké cahya saka sumberé tumuju utek kanggo dicerna déning sistem saraf manungsa. Pérangan-pérangan mau ya iku:

• Kornéa
  Minangka pérangan paling njaba bola mata kang nampa cahya saka sumber cahya.
• Pupil lan Iris
  Saka kornéa, cahya diterusaké menyang pupil. Pupil nentokaké kuantitas cahya kang lumebu ing pérangan mata kang luwih jero. Pupil mata bakal dadi amba yèn kondhisi ruangan peteng, lan dadi ciut yèn kondhisi ruangan padhang. Ambané pupil kadayan déning iris ing saubengé.Iris duwé fungsi minangka diafragma. Iris iki katon minangka pérangan kang mawa warna ing mata.
• Lènsa mata
  Lensa mata nampa cahya saka pupil lan nerusaké menyang retina. Fungsi lensa mata yakuwi ngatur fokus cahya, saéingga cahya tiba trep ing bintik kuning retina. Kanggo ndeleng obyèek kang adoh (cahya teka saka kadohan), lensa mata bakal dadi tipis. Déné kanggo ndeleng obyèek kang cedhak (cahya teka saka cedhakan), lensa mata bakal dadi kandel.
• Retina
  Retina iku pérangan mata kang paling peka marang cahya, mligi pérangan retina kang diarani bintik kuning. Sawisé retina, cahya diterusaké menyang saraf optik.
• Saraf optik
  Saraf kang lumebu sèl tali lan kerucut sajeroning retina, kanggo nuju menyang utek.

Uga delengen

• Kontak mata

Pranala njaba

• Gambar anatomi mata Archived 2009-08-01 at the Wayback Machine.