Alis
Alis mata ing racaké mahluk mamalia wujud pérangan kang rodok nonjol sithik ing pérangan dhuwur kelopak mata wujud rambut kang alus. Alis mata duwé manfaat minangka njaga mata kang peka saka tètèsan kringet kang tiba saka pérangan bathuk, banyu udan, utawa cahya srengéngé.
Wujud alis mata manungsa racaké kaya déné nanggal sapisan karo lengkungan rodhok tajem ing pérangan bathuk. Langsung menyang: pandhu. Ana uga wong kanthi alis mata pérangan kiwa lan pérangan tengen kang sinambung dadi siji.
Wujud alis mata lan arah tukulé rambut ing alis duwé maksud supaya kringet utawa banyu bisa mili mara ing kening lan tiba ing pipi. Wujud balung bathuk ing pérangan alis mata uga duwé maksud kanggo njaga mata saka tètèsan kringét lan banyu.
Alis mata uga duwé guna minangka nahan saking manéka macem regedan kang bisa lumebu mata, kaya ta pasir, lebu, lan sindap utawa ketombe. Saliyané iku rambut ing alis mata uga nambah kepekaan ing kulit kanggo ngrasakaké objek asing kang ana ing cedhaké mata, misalé gegremet kang arep lumebu ing mata.
Sakjeroning komunikasi antarané manungsa, alis mata uga salah sijiné piranti kanggo ngungkapaké manéka warna èksprèsi, kaya ta nggumun, jèngkèl, bingung, utawa ora paham.
Riasan alis mata
besutAlis mata uga salah sijiné objèk kanggo dirias sajeroning wajah manungsa. Wujud alis ngribawani riasan mata kanthi sekabèhané, saéngga wanita asring ngrapikaké alis kanthi cara dicabut, dicukur, utawa digunting amprih éntuk wujud alis kang ideal.
Pranala njaba
besut- Mata dan alis Archived 2007-03-12 at the Wayback Machine.
| Artikel iki minangka artikel rintisan. Kowé bisa ngéwangi Wikipédia ngembangaké. |