Salim Segaf Al-Jufri
Salim Segaf Al-Jufri (lair ing Surakarta, Jawa Tengah, 17 Juli 1954; umur 70 taun).[1] Salim Segaf Al-Jufri iku Mantri Sosial Indonésia wiwit tanggal 22 Oktober 2009.[1] Sadurungé dadi mantri, Salim Segaf Al-Jufri dadi Duta Besar Indonésia kanggo Arab Saudi lan Kesultanan Oman wiwit sasi Dhésèmber 2005. Salim nggenténi Muhammad Maftuch Basyuni kang wis dadi Mantri Agama [2] Salim Segaf Al-Jufri uga tau njabat dadi Ketua Dewan Syariah Parté Keadilan Sejahtera (PKS), Direktur Perwakilan WAMY (World Assembly of Muslim Youth) kanggo Kawasan Asia Wétan lan Asia Tenggara.[1] Saliyané iku, Salim uga tau dadi Direktur Syariah Consulting Center.[1] Salim uga aktif mulang ing UIN Syarif Hidayatullah, Lembaga Ilmu Pengetahuan Islam lan Basa Arab (LIPIA) lan Dirasat Islamiyah Jakarta.[1] Salim Segaf Al Jufri iku putuné ulama gedhé ing kutha Palu.[1] Ulama iki jenengé Sayyid Idrus bin Salim Aljufrie utawa kondhang kanthi jeneng Guru Tua. Ulama iki kang nggawé yayasan Al-Khairaat.[1]
| Salim Segaf Al-Jufri | |
|---|---|
 | |
| Mantri Sosial Républik Indonésia 26 | |
| Wiwit linggih 22 Oktober 2009 | |
| Présidhèn | Susilo Bambang Yudhoyono |
| Kang sadurungé | Bachtiar Chamsyah |
| Rerincèn dhiri | |
| Lair | Juli 17, 1954 Surakarta, Jawa Tengah, Indonésia |
| Bangsa | Indonésia |
| Parté pulitik | Barkas:PKS Logo.svg Parté Keadilan Sejahtera |
| Agama | Islam |
Pendhidhikan
besutSalim Segaf Al-Jufri ngrampungaké pendhidhikan S1 nalika taun 1976, S2 (1980) lan S3 (1986) kanggo babagan Syariah ing Universitas Madinah, Arab Saudi.[1]
Cathetan suku
besut- ↑ a b c d e f g h kepustakaan-presiden.pnri.go.id[pranala mati permanèn](dipunundhuh tanggal 23 Agustus 2011)
- ↑ hot.detik.com[pranala mati permanèn](dipunundhuh tanggal 23 Agustus 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |