Samosa

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.

Samosa yaiku panganan arupa pangsit goréng segi telu. Olah-olahan iki asalé saka Asia Tengah lan Asia Kidul. Nyamikan iki adhedhasar kulit pangsit saka glepung lan diisi manéka werna kaya ta kenthang godhog, daging giling lan bumbu rempah-rempah. Racaké Samosa dipangan karo saos minangka gegenep.

Cara nggawé

Piranti

Samosa ing piring

Kulit samosa

Banyu putih 200 ml
Glepung gandum 500 gram
Endhog 3 wiji
Mertega 3 sendhok pangan
Uyah 1 sendhok tèh

Isèn-isèn samosa

Iwak sapi giling utawa kornèt 250 gram
Kenthang godhog 2 wiji
Brambang 4
Bawang 3
Godhong brambang 2 lonjor
Brambang bombay 1
Karè bubuk 1 sendhok tèh
Mrica bubuk ½ sendhok tèh
Uyah ½ sendhok tèh
Gula ½ sendhok tèh
Lenga gorèng 250 ml

Cara ngolah

Campur kabèh bahan kulit samosa ing manci banjur diulèni nganti kalis.
Cithak adhonan tipis-tipis kanthi maujud segi telu,
Rajang alus bawang, brambang, brambang bombay lan godhong brambang.
Panasaké minyak sethithik kanggo ngoseng isèn-isèn.
Wènèhaké rajangan brambang lan osèng nganti arum ambuné.
Lebokaké kabèh piranti isi ing wajan osèng.
Entas menawa wis mateng.
Tunggu nganti adhem.
Lebokaké isèn-isèn ing kulit samosa udakara 3 sendhok pangan.
Lempit nganti isi bisa katutup kulit.
Gorèng samosa ana ing lenga panas.
Entèni nganti wernané kuning kasoklatan.
Entas lan wènèhaké piring.
Tambahi saos utawa lombok jemprit ing piring lan samosa luwih ènak dipangan nalika anget-anget.

Deleng uga

Resèp ngolah samosa

Videyo ngolah samosa