Sangèh

Sangeh minangka papan wisata alami kang dumunung ing désa Sangeh, Abiansemal, Badung, Bali.

Foto Sangeh koleksi Tropen Museum

Saka Denpasar, ngalor kurang luwih 25 kilomèter. Papan iki maune cagar alam,nanging wiwit wetuné layang kekancing Mantri Kehutanan Nomor: 87/Kpts-II/1993 tanggal 16 Fèbruari 1993, status Cagar Alam diowahi dadi Taman Wisata Alam (TWA). Ambane TWA Sangeh iku 13, 97 hektare. Wates-watese Taman Wisata Alam Sangeh ya iku:

1. Sisih lor : Désa Sangeh,
2. Sisih kidul : Désa Sangeh,
3. Sisih wétan : Désa Sangeh,
4. Sisih kulon : Désa Cau Blayu, kabupatèn Tabanan.

Legenda

Ing Sangeh, ing sajeroning alas pala ana pura cilik kang wis lumuten lan ing salah sijiné tugu pura iku ana reca Garuda. Miturut Samudramantana, dicritakake bilih garuda isih golèk tirta Amerta ing dhasaring samodra. Dhèwèké banjur diwènèhi tirta Amerta satenggakkan lan dadi tunggangane Betara Wisnu. Legenda liyané nyaritakake bilih sing nunggoni alas iku prajurit kethèk kang keselen ing paprangan matèni Rahwana. Kethek-kethèk iku tiba bareng karo gunung lan alas kang dianggo nindhihi awake Rahwana, banjur netep ing kono.