Wikipédia

Sastra Bulan Purnama

Pasamuwan sastra ing Indonesia

Sastra Bulan Purnama (dipuncekak SBP) inggih punika adicara pamaosan geguritan ingkang dipunwontenaken déning Museum Rumah Budaya Tembi. Jumbuh kaliyan aranipun, adicara punika tansah kacakaken ngepasi wulan ndadari, inggih punika tanggal 14 utawi 15 wonten ing kalènder lunar. Wondéné èdhisi kaping pisan dipunwontenaken tanggal 12 Oktober 2011.[1] Wiwitanipun, para panyarta ingkang maos geguritan inggih punika panggurit ingkang dhedhasar kelompok profèsi kados ta guru, dhosèn, juru warta, lan sanèsipun.[2][3][4] Nanging awit èdhisi kaping pitulas, sampun kaéwahi kanthi wontenipun performance art minangka pambuka.[5][6][7]

Latar wingking

besut

Sastra Bulan Purnama (dipuncekak SBP) inggih punika adicara pamaosan geguritan ingkang dipunwontenaken déning Museum Rumah Budaya Tembi. Adicara punika dipunpandhégani déning sastrawan Ngayojakarta, Ons Untoro ingkang ngayahi jejibahan minangka pangemunah musiyum punika. Jumbuh kaliyan aranipun, adicara punika dipuncakaken saben wulan ndadari, inggih punika tanggal 14 utawi 15 miturut kalender lunar. Saben èdhisi, para panyarta ingkang maos inggih punika panggurit saking satunggalipun profesi. BSP dipunwontenaken kaping pisan ing tanggal 12 Oktober 2011. Para panggurit ingkang maos wekdal punika antawisipun Budhi Wiryawan, Bambang Darto, Wadhie Maharif, Yantoro, Eko Nuryono, Ramayda Akmal, Kris Budiman, Tri Wintolo, Ikun Sri Kuncoro, Slamet Riyadi Sabrawi, lan Ons Untoro.[1]

Kajawi ngawontenaken pamaosan geguritan, kagiyatan Sastra Bulan Purnama kadhang kala ngandut adicara pambabaran buku kempalan geguritan.[8] Sanajan cithakanipun winates kanggé para panggurit ingkang nyerat wonten buku, nanging BSP tansah nyisihaken sakedhik kanggé masyarakart.

Ngelebeti taun 2013, adicara BSP wonten éwah-éwahan malih, inggih punika, adiacara mboten namung kanggé pamaosan geguritan kémawon, nanging ugi wonten performance art minangka pambuka.[5] Kaping kalih, manawi sadèrèngipun panyarta ingkang maos saking satunggalipun profèsi utawi angkatan,[2][3][4] awit èdhisi kaping 17 sampun éwah dados lintas profèsi lan génerasi.[5] Panyarta ingkang maos wonten èdhisi kapisan punika saking génerasi 1970, 1980, 1990, lan 2000.[5]

Panggurit

besut

Para panggurit ingkang ngregengaken adicara Sastra Bulan Purnama punika saking sakpérang kutha ing Indonesia. Boten mligi kanggé para panggurit profésional lan kasuwur, nanging ugi para panggurit ingkang taksih nèm saking kalangan pelajar, guru, juwu warta, komunitas-komunitas, lan sanèsipun.

Ugi pirsani

besut

Rujukan

besut
  1. ↑ a b "Sastra Bulan Purnama (SBP) bertema "Membaca Puisi, Membaca Hati, Menelaah Jamaah" di Tembi Rumah Budaya". Jogjanews.com. 13 Oktober 2011. Diarsip saka sing asli ing 2015-07-23. Dibukak ing 2 Juli 2015.
  2. ↑ a b "Hari Ini, Guru Baca Puisi di Tembi". Jogja.solopos.com. 7 Mèi 2012. Diarsip saka sing asli ing 2015-07-23. Dibukak ing 2 Juli 2015.
  3. ↑ a b "Sastra Bulan Purnama Hadirkan 16 Wartawan". Krjogja.com. 28 Agustus 2012. Diarsip saka sing asli ing 2015-07-23. Dibukak ing 2 Juli 2015.
  4. ↑ a b "Sastra Bulan Purnama Edisi 14, Kaum 'Sela' Membaca Puisi". Jogjanews.com. Tanpa Tanggal. Diarsip saka sing asli ing 2015-07-23. Dibukak ing 4 Juli 2015. {{cite web}}: Check date values in: |date= (pitulung)
  5. ↑ a b c d "Berubah Format, Gelaran Sastra Bulan Purnama Tembi Rumah Budaya". Jogjanews.com. Tanpa Tanggal. Diarsip saka sing asli ing 2015-07-23. Dibukak ing 2 Juli 2015. {{cite web}}: Check date values in: |date= (pitulung)
  6. ↑ Tribun Jogja: Sastra Bulan Purnama Luncurkan Antologi Puisi 'Negeri Laut', kapundhut 24 Fèbruari 2017
  7. ↑ Disbudpar Kab. Bantul: SASTRA BULAN PURNAMA Archived 2017-02-25 at the Wayback Machine., kapundhut 24 Fèbruari 2017
  8. ↑ "Launching Antologi Puisi 'Di antara Perempuan' di Sastra Bulan Purnama". Jogja.tribunnews.com. 4 Mèi 2015. Dibukak ing 24 Juli 2015.

Pranala njawi

besut
Dijupuk saka "https://jv.wikipedia.org/w/index.php?title=Sastra_Bulan_Purnama&oldid=1664771"