Sastra Inggris Kuna

[[Gambar:Peterborough.Chronicle.firstpage.jpg|thumb||Kaca utama Kronik Peterborough, bokmanawa ditulad ing taun 1150, iku salah sijining sumber utama Babad Anglo-Saxon.]] Sastra Anglo-Saxon utawa sastra Inggris Kuna iku ngambah sastra sing tinulis ing basa Inggris Kuna nalika mangsa pasca Romawi saka kurang luwih pratengahan abad angka 5 nganti ing Panaklukan Norman taun 1066. Karya-karya iki ngambah genre kaya ta tembang wiracarita, hagiografi (babad slira wong suci), kutbah, pretalan saka Alkitab, undhang-undhang, babad, wangsalan, lan liya-liyané. Sakabèhé kaétung ana kurang luwih 400 manuskrip sing isih lestari nganti saiki. Cacah 400 iki korpus sing wigati banget kanggo wong umum lan para pakar.

Kalebu ing karya-karya wigati iku tembang Beowulf, sing wis angraih status wiracarita nasional ing Britania. Babad Anglo-Saxon iku sawijining kolèksi awal sajarah Inggris. Himne Cædmon saka abad angka 7 iku salah sijining tulisan paling lawas ing basa Inggris sing isih lestari.