Segara Sulawesi
segara ing Indhonésiya
Sagara Sulawesi iku sagara sing dunungé ing sisih kulon Samodra Pasifik diwatesi déning Kapuloan Sulu, Sagara Sulu, lan Pulo Mindanao, Filipina, ing sisih lor, ing sisih wétan déning ranté Kapuloan Sangihe, ing sisih kidul déning pulo Sulawesi, lan ing sisih kulon déning pulo Kalimantan, Indonésia. Sagara iki awangun basin gedhé, lan jeroné nganti 6.200 m. Dawané 420 mil (675 km) saka lor mangidul lan 520 mil (837 km) saka wétan mangulon lan wewengkon lumahing banyu 110.000 mil pesagi (280.000 km pesagi). Sagara iki nyambung karo Sagara Jawa liwat Selat Makassar.
