Wikipédia

Setatsiyun Saint-Lazare

Setatsiyun Saint-Lazare (Prancis Gare Saint-Lazare) punika salah satunggal saking enem setatsiyun kréta api ageng wonten ing Paris lan minangka stasiun kréta paling sibuk sasampuning Gare du Nord.

Pintu mlebet sisih kilén Gare Saint-Lazare.

Stasiun ingkang kapisanan wonten ing St. Lazare dumunung 200 m baratlaut saking posisinipun ingkang sakmeniak, dipunsebut Embarcadère des Batignolles. Stasiun punika dipubikak déning Marie Amélie (garwa Louis Philippe, Raja Perancis) tanggal 24 Agustus 1837. Jalur kapisanan ingkang dipunlayani minangka rèl tunggal pinuju St Germain-en-Laye. Taun 1843, St-Lazare minangka pucuk saking 3 jalur; taun 1900 jumlah punika lipetè tiga. Stasiun punika gadhah 14 platform taun 1854 sasampuning wonten éwah-éwahan ageng, lan sapunika gadhah 27 platform ikang kapérang dados 6 grup kutha tujuan. Tanggal 27 April 1924, jalur pinggiran kutha lebet dipunsukani listrik 750 V. Jalur ingkang sami ugi dipunparingi listrik ulang kanthi 25 kV ing taun 1960-an.

Réseau Saint-Lazare

besut
 
Kréta regional ing Saint Lazare.
 
Kréta antarkota ing Saint Lazare.

Suburban (Île de France / Transilien

besut

Inter City (Grandes Lignes)

besut

Punika minangka kréta antakota SNCF Grandes Lignes ingkang nindakaken operasi ing njawi Saint-Lazare:

Stasiun paling caket

besut

Seni lan literatur

besut
 
Claude Monet: Gare Saint-Lazare, 1877

Gare Saint-Lazare sampun dipuntedahaken ing sapérangan karya seni. Stasiun punika narik kawigatosan pelukis sadanguning période Impresionis lan kathah saking para pelukis papan dunungipun wonten ing caket Gare St-Lazare sadanguning 1870-an lan 1880-an.

Édouard Manet dumunung wonten ing caket yasan mau, ing 4 rue de Saint-Pétersbourg. 2 taun sasampuning pindhah dhateng aréa mau, piyambakipun nedahaken lukisanipun "Le Chemin de Fer" ing Paris Salon taun 1874. Lukisan punika, sapunika kapajeng wonten ing National Gallery of Art, Washington D.C., ngemot satunggaling wanita kanthi asu alitipun lan buku ingkang dipunlenggahi sinambi ngadhep pamriksa ing ngajeng sawijining pager wesi, déné laré putri ing sisihipun ningali rèl lan kréta uwab ing wingkingipun. Karay mau dipunlukis saking halaman wingking griyan kancaipun ing rue de Rome. Wonten ing paméran kapisananipun, lukisan mau asring dipuntiru lan dipundadosaken bahan guyonan.[1]

Gustave Caillebotte ugi dumunung ing caket stasiun punika. Piyambakipun damel lukisan Le Pont de l'Europe (Kreteg Éropa) taun 1876 (sapunika ing Petit Palais, Musée d'Art Moderne ing Genewa, Switserlan) lan "On the Pont de l'Europe" taun 1876-1880 (Kimbell Art Museum, Fort Worth). Lukisan kapisanan nedahaken sesawangan ngadheo kreteg kanthi wesi ingkang diagonal nyigar gambar manengen, kanthi latar belakang tiyang-tiyang ing kreteg ing sisih kiwa, lan lukisan pungkasan nedahaken struktur wesi kreteg ngadhep sawijining close-up geometri industrialipun, kanthi tiga priyantun kakung ing kiwa lukisan, sedayanipun ngadhep ing arah ingkang béda. (Pont de l'Europe minangka sawijining kreteg ageng ingkang nyebrangi jalur rèl statisun ingkang sampun kawiyaraken, ing pundi wekdal punika gadhah ruji-ruji wesi)[2]

Taun 1877, pelukis Claude Monet nyéwa sawijining studio caket Gare Saint-Lazare. Wonten ing taun ingkang sami, piyambakipun maméraken 7 lukisan stasiun kréta api wonten ing sawijining paméran lukisan impresionis. Piyambakipun sampun damel 11 lukisan babagan subjék punika.[3],[4][5].

Pelukis ingkang kapengaruh kaliyan Gare Saint-Lazare inggih punika Jean Béraud, ingkang damel lukisan "The Place and Pont de l'Europe" padha 1876-78 [6] lan Norbert Goeneutte (1854-1894), kanthi sawijining studio ingkang nyamektakaken sesawangan ngadhep ing Pont de l'Europe, nglukis situs punika kaping sapérangan wekdal taun 1880-an. Salah satunggalipun inggih punika "The Pont de l'Europe and Gare Saint-Lazare" wiwit taun 1888 (ing Baltimore Museum).[6]

 
Stasiun St-Lazare saking Pont de l'Europe

Sawijining lukisan ingkang nedahaken kreteg Place de l'Europe nalika pambukaanipun taun 1868 dipundamel déning Auguste Lamy.[7]

Taun 1998, Musée d'Orsay lan National Gallery of Art Washington D.C., ngawontenaken sawijining paméran kanthi téma "Manet, Monet, lan Gare Saint-Lazare" [4]

Gare Saint-Lazare naté medal ing filem La bête humaine karya Emile Zola lan Terminus St-Lazare saking Roland Sadaune.

Stasiun punika ugi medal wonten ing filem French Kiss (1995) kanthi Kevin Kline lan Meg Ryan. Wonten ing adegam pungkasan ing Paris ing pundi karakter kevinKline dipunoyak déning Inspektur Pulisi Jean-Paul Cardon (Jean Reno) nalika nyobi minggah kréta nuju ing Cannes.

Cathetan suku

besut
  • "Manet, Monet, and the Gare Saint-Lazare" by Juliet Wilson-Bareau.
  1. ↑ http://www.nga.gov/exhibitions/pjmanet.shtm Archived 2006-09-30 at the Wayback Machine.] [http://www.artnet.com/magazine_pre2000/features/hill/hill4-21-98.asp
  2. ↑ http://www.impressionism.org/teachimpress/browse/lesson3.htm
  3. ↑ http://www.nationalgallery.org.uk/cgi-bin/WebObjects.dll/CollectionPublisher.woa/wa/work?workNumber=NG6479)
  4. ↑ a b "Archive copy". Diarsip saka sing asli ing 2006-09-30. Dibukak ing 2013-03-22.{{cite web}}: CS1 maint: archived copy as title (link)
  5. ↑ "Archive copy". Diarsip saka sing asli ing 2008-09-30. Dibukak ing 2013-03-22.{{cite web}}: CS1 maint: archived copy as title (link)
  6. ↑ a b http://www.artnet.com/magazine_pre2000/features/hill/hill4-21-98.asp
  7. ↑ "Archive copy". Diarsip saka sing asli ing 2007-09-30. Dibukak ing 2013-03-22.{{cite web}}: CS1 maint: archived copy as title (link)
Wikimedia Commons duwé médhia ngenani Setatsiyun Saint-Lazare.

Pranala njaba

besut

48°52′37″N 2°19′28″E / 48.87694°N 2.32444°E / 48.87694; 2.32444

Dijupuk saka "https://jv.wikipedia.org/w/index.php?title=Setatsiyun_Saint-Lazare&oldid=1649648"