Claude Monet

Claude Monet dipuntepangi ugi kanthi asma Oscar-Claude Monet utawi Claude Oscar Monet (14 November 1840-5 Dhésèmber 1926) punika juru lukis Prancis kanthi aliran impresionisme. Lukisanipun Impression, Sunrise punika asal asma pamaringan asma aliran impresionisme.

Claude Oscar Monet
Claude Monet, foto déning Nadar, 1899.
Bangsa	Prancis
Kondhang ing	Pelukis
Karya kondhang	Impression, Sunrise Rouen Cathedral series London Parliament series Water Lilies Haystacks
Obahan	Impressionisme

Lelampahaning gesang

Monet miyos saking pasangan Adolphe lan Louise-Justine Monet ing 45 Rue Laffitte. Salajengipun kulawarganipun pindhah dhateng Le Havre ing taun 1845 ing Normandia nalika panjenenangipun saweg yuswa gangsal taun. Asma baptisipun Oscar-Claude ing Nortre-Dame-de-Lorette. Ramanipun adreng sanget panjenenganipun nerasaken usaha kulawargi.

Awal April 1851 Monet mlebet sekolah Le Havre. Panjenenganipun énggal kémawon misuwur kanthi karikatur-karikatur carchoalipun, ingkang asring dipunpajang lan dipunsadé kanthi regi 10 dumugi 12 francs. Monet sepisanan pikantuk wulangan nggambar saking Jean-Francois Ochard, sadèrèngipun dados muridipun Jacques-Louis David (1748-1825). Ing pasisir Normandia, piyambakipun kapanggih kaliyan Eugène Boudin, ingkang mirsani pajangan karya-karya karikaturipun lan salajengipun dados mèntor lan ngajari nganggé cèt lenga. Boudin ugi mulang dhateng Monet ngenani tèhnik en plein air (nglukis sajawining ruwangan).

Ing tanggal 28 Januari 1857 ibunipun tilar donya. Piyambakipun nuli dipunrawat bulikipun Marie-Jeanne.

Nalika Monet tindak dhateng Paris kanggé dugi The Louvre, panjenenganipun mriksani kathah sanget juru lukis ingkang niru lukisan ingkang sampun langkung rumiyin misuwur. Monet, kanthi kagigihanipun langkung milih migatosaken jendhéla lan nglukis sesawangan kanthi piranti lan tèhnikipun piyambak.

Ing wulan Juni 1861 Monet tumut kaliyan wadyabala Rèsimèn I Kavalèri Ringan Afrika ing Aljazair kanggé kalih taun saking pitung taun wekdal wjib militèr. Nanging lelara tipusipun njalari bulikipun Madame Lecadre nyuwun supados Monet medal saking militèr lan ngrampungaken studi seni rupanipun ing universitas. Amargi rumaos tetentangan kaliyan piwulang klasik ingkang dipunwulangaken ing universitas, piyambakipun nuli nggabung kaliyan sanggar Charles Gleyre ing Paris, lan salajengipun pepanggihan kaliyan Pierre-Auguste Renoir, Frederic Bazille, lan Alfred Sisley. Salajengipun kekalihipun sesarengan ngembangaken tèhnik énggal ing seni rupa kanthi nglukis dhedhasar èfèk-èfèk pantulan cahya ingkang dipuntangkep paningal, awal saking aliran ingkang sapunika kita tepangi minangka impresionisme.

Karyanipun Monet Camille utawi La Femme à la Robe Verte ing taun 1868, ingkang ngindhakaken popularitasipun, inggih punika salah satunggil saking kathah lukisanipun kanthi obyèk calon garwanipun, Camille Doncieux.

Salaminipun Perang Prancis-Prusia (1870-1871), Monet ngungsi dhateng Inggris kanggé ngèndhani konflik. Ing mrika piyambakipun ngangsu kawruh dhumateng John Constable lan J. M. W. Turner, ingkang lukisanipun dados inspirasi kanggé Monet salebetipun mahami warna.

Ing watara taun 1871 dumugi taun 1878 Monet mapan wonten ing Argenteuil, dhusun ing Seine ing sacelakipun Paris. Ing mriki kathah karya paling saénipun dipunasilaken.

Impression, Sunrise (Impression, soleil levant) (1872/1873).

Nalika dhateng Paris malih, watara taun 1872-1873 piyambakipun nglukis Impression, Sunrise (Impression, soleil levant) ingkang nggambaraken sesawangan Le Havre. lukisan punika kapajang ing pamèran Impresionis sepisanan taun 1874 lan dumugi sapunika dados kolèksi Musée Marmottan-Monet, Paris. Saking sesirah ingkang sajatosipun namung asal pilih punika, Kritikus Louis Leroy maringi sindiran "Kaum Impresionis", ingkang salajengipun kepara misuwur minangka idhèntitas mliginipun.

Réferènsi

• Biografi Claude Monet ing www.accents-n-art.com
• Sawijining biografi Monet ing www.triada.bg Archived 2006-02-07 at the Wayback Machine.
• Biography at Foundation Claude Monet à Giverny Archived 2008-04-17 at the Wayback Machine.
• Biografi Monet ing www.allaboutartists.com
• Biografi Claude MONET ing www.intermonet.com

Pranala njaba

• Artikel iki mungel bisa njelasaké èfèk werna sing ditangkep déning Claude Monet sawisé pambedhahan.
• Claude Monet Images
• Claude Monet Archived 2007-03-12 at the Wayback Machine.
• Art of Monet: Web Gallery and Resource
• Monet page at Webmuseum
• Claude Monet Quotes
• Monet images at Fine Arts Museums of San Francisco
• Claude Monet at Olga's Gallery 189 pictures
• Claude Monet by himself
• Claude Monet: A Virtual Art Gallery Archived 2006-02-20 at the Wayback Machine.
• A high resolution photo of a Monet painting of sunset and the British Houses of Parliament from 1904 Archived 2009-05-15 at the Wayback Machine.
• Life of Monet a timeline of Monet's life]
• Claude Monet paintings gallery and biography Archived 2020-11-09 at the Wayback Machine.