Taksonomi (biologi)
Taksonomi, saka tembung (Basa Griki: tassein kang tegesé kanggo nglasifikasi lan nomos kang tegesé aturan). Taksonomi bisa diarani klasifikasi mawa hirarki, utawa prinsip kang ndhasari klasifikasi. Mèh kabèh—barang obah, barang meneng, panggonan, lan kadadéan—bisa kapantha miturut sawatara skéma taksonomi.
Taksonomi sajeroning biologi
besutPirsani Tatajeneng biologi
Sajeroning biologi, taksonomi minangka cawang èlmu dhéwé, kang diarani uga klasifikasi utawa sistematika. Sistem kang dianggo yaiku pawèwèh jeneng kanthi rong sebutan, kang dikenal minangka tatajeneng binomial utawa binomial nomenclature, kang diusulaké déning Carl von Linne (Latin: Carolus Linnaeus), wong naturalis kabangsan Swèdhen.
Linneaus ngenalaké enem hierarki kanggo nglompokaké kabèh organisme urip. Kaenem hierarki (kang diarani takson) iku wiwit saka kang paling dhuwur (istilah sajeroning tandha kurung iku usulan kanggo panggunaan sajeroning basa Indonesia):
- Filum (kéwan), Divisio/Divisi (tumbuhan)
- Kelas,
- Bangsa/Ordo,
- Kulawarga/Familia/Famili/Suku (Suku),
- Genus/Marga, lan
- Spesies (Jinis).
Kanggoné tetuwuhan, istilah Divisio kerep dianggo ngganti Filum.