Soedjatmoko

Soedjatmoko (lair 10 Januari 1922 ing Sawahlunto, Sumatera Kulon) iki putrane Bapak Muhammad Saleh Mangoendiningrat lan Ibu R. A. Isnadikin. Watak lan cara pikiré Soedjatmoko nurun saka bapake sing pamikiré terbuka kaya wong-wong Barat. Amarga kapinteran lan pamikiré sing lanthip, amba, lan jero; kritikané sing titis, jujur, lan tanpa pamrih kang diudaraké kanti prayoga iki, Soedjatmoko diarani kyai intelektual déning Roeslan Abdulgani. Goenawan Muhammad, Sjahrir, lan Richard Woolcott (bekas sekjen Deplu Australia) uga nganggep Soedjatmoko iki salah sijiné wong kang misuwur kapinterané nanging nduwè rasa tepa-selira sing gedhé marang sapepadhané.

Pendhidhikan

Soedjatmoko sinau ana ing:

HBS (Hoogere Burgerschool - sekolah basa Walanda kanggo wong Landa, Tionghoa lan priyayi Jawa).
Gimnassium
Sekolah Dhuwur Kedhokteran.

Lelabuhan

Nalika isih aktif ana ing organisasi mahasiswa, Unitas Studiosorum Indonesiensis (USI), Soedjatmoko kenal karo Soebandrio Sastrosatomo sing kerep ngajak dhèwèké dolan menyang pasar Senèn. Ana pasar kuwi Soedjatmoko nemoni langsung kaya kepiye kahanan sosial ana ing masyarakat. Maneka warna manungsa ana kana, kang beda-beda pagawéané lan cara uripé. Sanyatané ora kabèh uwong kepenak uripé, malah akéh sing kudu pontang-panting makaryo supaya bisa nyambung urip. Wiwit saka iki Soedjatmoko samsaya mateng anggoné nyekel prinsip uripe: Humanisme Universal.

Nalika Indonesia isih dikuasai Jepang, Soedjatmoko melu gerakan gerilya sing dikoordinasi déning Amir Sjarifuddin.

Sawise Indonesia mardhika, Soedjatmoko diangkat dadi pegawé Departemen Penerangan lan ngewangi urusan administrasi ana ing Badan Pekerja KNIP.

Soedjatmoko dadi pemimpin redaksi Het Inzicht (majalah bangsa Indonesia sing ditulis nganggo basa Walanda).

Soedjatmoko ngedegaké Siasat karo Rosihan Anwar.

Rujukan

^[1]

↑ Aning S., Floriberta (2005). 100 Tokoh yang Mengubah Indonesia: Biografi Singkat Seratus Tokoh yang Paling Berpengaruh dalam Sejarah Indonesia di Abad20. Yogyakarta: Narasi. kc. 196–198. ISBN 9797564754.

[1] Aning S., Floriberta (2005). 100 Tokoh yang Mengubah Indonesia: Biografi Singkat Seratus Tokoh yang Paling Berpengaruh dalam Sejarah Indonesia di Abad20. Yogyakarta: Narasi. kc. 196–198. ISBN 9797564754.

[1]