Squirtle
Squirtle utawi Zenigame (ゼニガメ?), inggih punika nama kanggé salah satunggaling spésies Pokémon wonten ing seri dolanan Pokémon ingkang dipunkembangaken déning parusahan Game Freak, kanggé konsol dolanan portabel saking Nintendo. Karakter punika dipunrancang déning tim perancang lan pangembang saking Game Freak lan dipunjangkepi déning Ken Sugimori. Wonten ing dolanan, Squirtle minangka salah satunggaling jinis Pokémon toya ingkang awujud bulus alit, ingkang ugi minangka Pokémon starter (Pokémon wiwitan ingkang saged kapilih déning juru main) wonten ing dolanan video Pokemon G1 (Red lan Blue), sesarengan kaliyan Charmander lan Bulbasaur, kalih Pokémon starter sanèsipun. Kados déné sapérangan Pokémon sansèipun, Squirtle saged ugi nindakaken evolusi (wonten ing dolanan punika sami paham minangka éwah-éwahaning wujud lan karakteristik). Wujud éwahanipun evolusi saking Squirtle inggih punika Wartortle (manawi dipunmainaken dumugi level 16), lajeng dados Blastoise (nalika dumugi ing level 36).
Kajawi wonten ing Pokemon G1, Squirtle ugi medal wonten ing seri Pokemon G3, inggih punika FireRed lan LeafGreen. Déné wonten ing serial anime, Ash Ketchum lan pacaripun, May gadhah ugi Pokemon jinis Squirtle, ingkang wekdal punika katitipaken wonten ing Professor Oak.
Désain lan karakteristik
besutSquirtle minangka salah satunggali saking 151 rancangan ingkang béda ingkang kasungsun déning tim perancang karakter saking Game Freak lan dipunpungkasaken déning Ken Sugimori kanggé dolanan Pocket Monsters Generasi kapisanan ingkang kanthi judhul Red and Green, ingkang dipunlokalisasikaken ing njawi Jepang minangka Pokémon Red and Blue.[1][2] Sajatosipun karakter mau dipunsukani nama "Zenigame" wonten ing basa Jepang. Nintendo milih nyaosi nama ingkang "pinter lan deskriptif" wonten ing manéka jinis (spésies) Pokémon kanthi panampilan lan cirinipun nalika nerjemahaken dolanan mau kanggé para panganggo ing "Dunia Barat" kanthi ancas damel karakter mau langkung gampil sami paham déning laré-laré Amérika.[3] Nama Squirtle wonten ing basa Inggris asalipun saking tembung "squirt" (muncrat) lan "turtle." (bulus)[4] Wonten spekulasi bilih nama mau asalipun saking tembung squirrel," (tupai) lan "turtle," (bulus) amargi desain buntutipun ingkang mirib kaliyan buntut tupai (bajing).[5]
Evolusi
besut
Wartortle (カメール Kameil?) inggih punika salah satunggaling karakter spésies Pokémon wonten ing seri dolanan lan waralaba Pokémon saking Jepang. Wartortle dipunsebut Kameil wonten ing basa Jepang, dipunkenal minangka Pokémon bulus, lan minangka evolusi saking spésies Pokémon Squirtle. Wonten ing dolanan video Pokémon, juru main saged pikantuk Wartortle sasampunipun Squirtle ingkang dipungadhahi dumugi ing level 16, lajeng Wartortle badhé evolusi dados Blastoise nalika dumugi level 36.
Blastoise inggih punika salah satunggaling jinis Pokémon toya kanthi wujud bulus ageng kanthi meriam ing gegeripun. Blastoise minangka evolusi saking Squirtle (fase kapisanan) lan Wartortle (fase kalih). Blastoise wonten ing urutan kaping 9 wonten ing Pokédex nasional.
Cathetan suku
besut- ↑ Staff. "2. 一新されたポケモンの世界". Nintendo.com . Nintendo. kc. 2. Dibukak ing 2013-02-28.
- ↑ Stuart Bishop (2003-05-30). "Game Freak on Pokémon!". CVG. Diarsip saka sing asli ing 2013-10-19. Dibukak ing 2013-02-28.
- ↑ Chua-Euan, Howard (November 22, 1999). "PokéMania". TIME. Diarsip saka sing asli ing 2008-09-13. Dibukak ing 2013-02-28.
- ↑ "Pokemon Strategy Guide - IGNguides". IGN. Diarsip saka sing asli ing 2010-12-31. Dibukak ing 2013-02-28.
- ↑ "Its name is a combination of squirrel and turtle". Dibukak ing 2013-02-28.
{{cite web}}: CS1 maint: url-status (link)
