Bulbasaur

sepésiyes Pokémon

Bulbasaur (フシギダネ Fushigidane?)[1] inggih punika nama kanggé salah satungaling spésies karakter fiksi saking serial Pokémon.[2]

Bulbasaur

Profil besut

Bulbasaur minangka spésies Pokémon saking génerasi ingkang kapisanan (G1). Ingkang kapisanan dipunkenalaken taun 1996, wonten ing serial video game Pokémon, minangka salah satunggal saking 3 starter Pokémon ingkang dipuntawakaken déning Professor Oak dhumateng kula lan panjenengan minangka juru main (kalih malih inggih punika Charmander lan Squirtle).[3]

Karakter Bulbasaur dipunrantam lan dipunyasa déning kancanipun Satoshi Tajiri, Ken Sugimori.[4] Bulbasaur kadadosan saking 2 tembung, bulb (ingkang ateges sajinis bawang), lan saur (saking tembung dinosaurus). Pokémon punika kalebet jinis grass (tetuwuhan), lan kiyat tumrap serangan toya, nanging lemah tumrap serangan angin lan dahana.

Werni badan Bulbasaur inggih punika ijem nèm lan piyambakipun mlampah kanthi 4 suku. Evolusi saking Bulbasaur inggih punika Ivysaur, kalajengaken dados Venusaur. Wiwit lair, Bulbasaur sampun gadhah sajinis tetuwuhan ingkang wonten ing gegeripun, ing pundi nalika evolusi, tuwuhan mau badhé tuwuh dados kembang bangké.

Bulbasaur remen tumrap cahya srengéngé, piyambakipun langkung remen dhédhé lan ngraosaken panasing cahya rikala enjing, nalika srengéngé saweg sumunar.[5] Energi ingkang kapancaraken saking srengéngé mau lajeng kapendhet déning Bulbasaur saperlu dipundadosaken minangka cadangan ènergi, lan Bulbasaur saged tahan sawatawis dinten tanpa nedhi kanthi ngandhalaken ènergi ingkang pikantuk saking cahya srengéngé mau.[6][7]

Minangka senjata ingkang utama, Bulbasaur gadhah kemampuan saperlu medalaken tali ingkang winastan Vine Whip lan saged ugi medalaken proyektil Peso Godhong utawi Razor Leaf. Bulbasaur ugi saged ngracuni Pokémon sanès lumantar sawijining serbuk mirunggan ingkang mirib kaliyan rabuk ingkang dipunsebut Poison Powder. Bulbasaur ugi saged pikantuk ènergi saking Pokémon sanès kanthi pambiyantu saking cahya srengéngé.

Évolusi besut

Ivysaur besut

 
Ivysaur

Ivysaur (フシギソウ Fushigisō?) (nomer Pokedex nasional 002, lan Johto 227) minangka wujud evolusi kapisanan saking Bulbasaur. Inggilipun antawis 3 kaki kanthi bobot sakitar 29 lbs. Wonten ing wujud punika, kelopak kembang saking geger Bulbasaur sampun wiwit tuwuh lan ageng éwadéné dèrèng mekar sampurna. Lan kekiyatanipun samsaya tambah dados kaping kalihipun saking wiwitan (minangka Bulbasaur).

Venusaur besut

 
Venusaur

Venusaur (フシギバナ Fushigibana?) (nomer Pokedex nasional 003, lan Johto 228) minangka wujud evolusi angka 2 saking Bulbasaur. Punika minangka kalajengan evolusi saking Ivysaur, ing pundi wujud kelopak kembang bangké ingkang wonten ing gegeripun sampun ageng lan sampurna, kanthi gegodhongan ingkang nglilingi kelopak kembang mau. Boten kados pra-evolusinipun, Venussur gadhah wujud fisik ingkang béda antawising ingkang kakung lan putri, inggih punika wonten putik ing tengah kembang ingkang wonten ing gegeripun. Wiwit evolusi saking Ivysaur, inggil badanipun samsaya ageng kaping kalih, dados 6.07 kaki. Déné bobotipun sakitar 221 lbs.

Cathetan suku besut

Cite:
  1. Kalbfleisch, Pamela. Communication Yearbook 27. International Communication Association. kc. 173. ISBN 0805848193.
  2. "Pokémon Franchise Approaches 150 Million Games Sold". PR Newswire. Dibukak ing 2013-02-26.
  3. MacDonald, Mark; Brokaw, Brian; Arnold; J. Douglas; Elies, Mark. Pokémon Trainer's Guide. Sandwich Islands Publishing, 1999. ISBN 0-439-15404-9. (pg 192–195)
  4. Stuart Bishop (2003-05-30). "Game Freak on Pokémon!". CVG. Diarsip saka sing asli ing 2013-10-19. Dibukak ing 2013-01-26.
  5. Pokédex: Bulbasaur can be seen napping in bright sunlight. There is a seed on its back. By soaking up the sun's rays, the seed grows progressively larger. Game Freak (2002). Pokémon Ruby and Sapphire . Vol. Gameboy. Nintendo.
  6. Pokédex: It can go for days without a single morsel. In the bulb on its back, it stores energy. Game Freak (1998). Pokémon Yellow . Vol. Gameboy. Nintendo.
  7. Pokédex: A strange seed was planted on its back at birth. The plant sprouts and grows with this Pokémon. Game Freak (1996). Pokémon Red and Blue . Vol. Gameboy. Nintendo.
DVD:
  • Pokémon, Vol. 15: Charizard!!, Viz Video., February 2000. ASIN B00004DS9J
  • Pokémon, Vol. 18: Water Blast!, Viz Video., May 2000. ASIN 6305844674
  • Pokémon - The First Movie, Warner Home Video., October 2000. ASIN B00004WIB2
  • Pokémon, Vol. 26: Friends and Rivals!, Viz Video., January 2001. ASIN B0000541UG
  • Pokémon The Movie 2000, Warner Home Video., May 2001. ASIN B00005A3O6
  • Pokémon 3: The Movie , Warner Home Video., October 2001. ASIN B00005NMW3
  • Pokémon: Mewtwo Returns, Warner Home Video., December 2001. ASIN B00005OW0I
  • Pokémon Master Quest 2: Quest 2, Viz Video., February 2005. ASIN B0002IQD2Y
  • Pokémon 10th Anniversary, Vol. 7 - Bulbasaur, Viz Video., October 2006. ASIN B000HDR8D2
Publikasi:
  • Barbo, Maria. The Official Pokémon Handbook. Scholastic Publishing, 1999. ISBN 0-439-15404-9
  • Loe, Casey, ed. Pokémon Special Pikachu Edition Official Perfect Guide. Sunnydale, CA: Empire 21 Publishing, 1999. ISBN 1-930206-15-1
  • Nintendo, et al. Official Nintendo Pokémon Snap Player’s Guide. Nintendo of America Inc., 1999. ASIN B000CDZP9G
  • Nintendo Power. Official Nintendo Pokémon FireRed Version & Pokémon LeafGreen Version Player’s Guide. Nintendo of America Inc., August 2004. ISBN 1-930206-50-X
Manga:

Pranala njaba besut

Cithakan:Spesies Pokemon Cithakan:Pokemon médhia

Cithakan:Pokemon-stub