Surat Al Kaafiruun

al-Kafirun
Informasi
Makna	Wong - Wong Kafir
Klasifikasi	Makkiyah
Surat ka	109
Juz	Juz 30
Statistik
Gunggung ruku'	1 ruku'
Gunggung ayat	6 ayat

Surah Al-Kafirun (basa Arab:الكافرون) iku surah angka 109 sajeroning al-Qur'an. Surat iki kapérang saka 6 ayat lan kalebu surat Makkiyah. Jeneng Al Kaafiruun (wong-wong kafir) dijupuk saka tembung kang metu ing ayat pisanan surat iki. Pokok isi surat iki yaiku ora diidinaké kompromi sajeroning wangun nyampuradhukaké ajaran agama.

سورة الكافرون

Latar Wuri

Nalika mangsa panyebaran Islam ing Mekah, kaum Kurès kang nentang Rasulullah SAW ora lèrèn golèk cara kanggo ngendhegagé ancaman Islam marang kapitayan nenek moyangé. Ing salah siji upaya mau, kaum Kurès ngupaya ngajokaké proposal kompromi marang Rasulullah SAW ing ngendi kaum mau nawakaké: yèn Rasulullah gelem nyembah Gustiné, mula kaum mau uga bakal nyembah Gusti kaya déné konsèp Islam. Nuli surat iki didhunké kanggo njawab prakara iku.

Tèks

قُلْ يَا أَيُّهَا الْكَافِرُونَ(1)لَا أَعْبُدُ مَا تَعْبُدُونَ(2)وَلَا أَنْتُمْ عَابِدُونَ مَا أَعْبُدُ(3)وَلَا أَنَا عَابِدٌ مَا عَبَدْتُمْ(4)وَلَا أَنْتُمْ عَابِدُونَ مَا أَعْبُدُ(5)لَكُمْ دِينُكُمْ وَلِيَ دِينِ (6

Alih aksara

1) qul ya ayyuhal kaafirun
2) laa a'budu maa ta'buduun
3) wa laa antum 'abiduuna maa a'bud
4) wa laa anna 'abidum maa 'abattum
5) wa laa antum 'abiduuna maa a'bud
6) lakum diinukum wa liya din

Jarwa

• 1. Ngucapa: He para wong kafir
• 2. Aku ora nyembah marang sesembahanmu
• 3. Kowé ora nyembah marang Sesembahanku
• 4. Aku ora bakal nyembah marang sesembahanmu
• 5. Kowé ora nyembah marang Sesembahanku
• 6. Kowé bakal olèh pituwasé agamamu dhéwé, aku iya mesthi nampa ganjarané agamaku dhéwé

Pranala njaba

Surat Sadurungė: Surat Al Kautsar	Al-Qur'an	Surat Sabanjurė: Surat An Nashr
	Surat 109