Taman Nasional Grand Teton
Taman Nasional Grand Teton yaiku taman nasional kang kapernah ing Wyoming, Amerikah Sarékat. Ing taman nasional iki para wisatawan bisa deleng gunung kang pucuké katutup salju, tlaga, lan kali kang ilèné rendhet. Taman nasional iki manggon ing 7.000 feet sakdhuwuré èrèngé Jackson Hole.[4]
| Grand Teton National Park | |
|---|---|
IUCN kategori II (taman nasional) | |
 Gudang John Moulton lan Pagunungan Teton | |
| Pernah | Swapraja Teton County, Wyoming, Amérikah Sarékat |
| Kutha cedhak dhéwé | Jackson, Wyoming |
| Koordhinat | 43°50′00″N 110°42′03″W / 43.83333°N 110.70083°W[1]Koordhinat: 43°50′00″N 110°42′03″W / 43.83333°N 110.70083°W[1] |
| Laladan | 310,000 acres (1,300 km2)[2] |
| Dikukuhaké | 26 Fèbruari 1929 |
| Dhayoh | 3,491,151 (ing 2018)[3] |
| Bebadan pamaréntahan | National Park Service |
| Situs jaringan | Situs jaringan resmi |
Géografi
besut
Taman nasional Grand Teton duwéni dawa saka kidul menyang yaiku 45 mil lan jembaré 26 mil. Taman iki ngladi sesawangan kang éndah lan ékosistem kang akèh. Ambané taman iki 310.000 are utawa 485 mil persagi. Taman nasional iki bisa nyawang anané pagunungan, kali lan tlaga.[5]
Pagunungan Teton
besutPagunungan teton yaiku pagunungan kang manggon ing Taman Nasional Grand Teton kang duwéni dawa udakara 40 mil (65 km) lan ambané 7-9 mil (11-14,5 km). Pagunungan iki kalebu gunung aktif. Pucuk dhuwur dhéwé laladan iki 13.775 ft (4.198 m). Ana cacah 8 pucuk kang dhuwuré luwih 12.000 ft (3.658 m) sakdhuwuré banyu sagara.[5]
Èrèngan Jackson Hole
besutÈrengan Jackson yaiku sawijing èrèngan pagunungan ing Taman Nasional Grand Teton. Èrèng iki dawané 89 km (55 mil), ambané 13 mil (21 km), kanthi dhuwur rerata 6.800 ft (2.073 m). Papan kang asor dhéwé ana ing Fish Creek kang ana ing wates kidul kang dhuwuré 6.320 ft (1.926 m). Èrèngan kang asor dhéwé ing sajabané taman nasional iki manggon ing cedhaké Hoback Junction kang dhuwuré 5.975 ft (1.821 m).[5]
Kali Snake
besutKali Snake yaiku dadi tuk ing kali ing sistem Columbia. sawenèh kali ing sakiwa tengené, Anak-anak kaliné kaya ta Pacific Creek, Buffalo Fork, lan Gros Ventre.[5]
Tlaga
besutIng sakngisoré pagunungan Teton ana tlaga cacah 6. Tlaga-tlaga mau yaiku Tlaga Jackson, Tlaga Leigh, Tlaga Jenny, Tlaga Bradely, Tlaga Taggarts, lan Tlaga Phelps. Tlaga Jackson duwéni jembar 25.540 are (10.340 hèktar) lan jeroné 438 ft (134 m).[5]
Ékologi
besutTaman Nasional Grand Teton duwéni manéka kèwan lan tetuwuhan. Kèwan kang urip ing taman iki kanthi jinis karnivora (17 spèsiès), mamalia kang duwé kuku (6 spèsiès), kelinci (3 spèsiès), lawa (6 spèsiès), rèptil (4 spèsiès), amfibi (6 spèsiès), kèwan kang nggrogoti (22 spèsiès), manuk (300 luwih spèsiès), lan akèh banget kèwan invertebrata. Tetuwuhan ing taman iki jinisé wit konifèr (7 spèsiès) lan ttetuwuhan kembang (900 luwih spèsiès).
Kèwan
besutSapérangan kèwan kang urip ana ing taman iki yaiku beruang grizzly (Ursus arctos horribilis) lan beruang ireng (Ursus americanus).[6] Amfibi kang urip ing taman nasional iki kaya ta kodhok totol-totol, kodhok boreal chorus, kodhok boreal, salamènder macan, lan kodhok leopard, lan kodhok bangkong. spotted frogs, Kèwan amfibi iki bisa ditemoni ing sadawané kali Snake lan tlaga Taggart.[7]
Tetuwuhan
besutLuwih saka 1.000 spèsiès tetuwuhan urip ing Taman Nasional Grand Teton. Tetuwuhan kang urip ing taman nasional iki bisa diklompokaké miturut papan panggoné thukul, kaya ta tetuwuhan alas, tetuwuhan pagunungan, tetuwuhan palemahan teles (rawa), lan tetuwuhan ara-ara. Kulawarga tetuwuhan kang urip ing taman iki kaya ta paku-pakuan, suket, jamur-jamuran, lumut, wit-witan, lan tetuwuhan kembang.[8]
Iklim
besutIklim ing taman nasional iki bedané akèh banget nalika ing mangsa panas lan mangsa salju. Saben munggah 1000 feet, hawané mudhun 4 °F. Usum salju ing taman nasional iki ora diwiwiti ing tanggal 21 Dhèsember kaya ta lumrahé, nanging nalika tanggal 1 Novèmber salju wis mudhun, malahan bisa nganti udan salju kang gedhé. Nalika sasi Dhèsember nganti Fèbruari rerata suhu kang dhuwur yaiku 28 °F lan suhu rerata kang asor yaiku 2 °F.
Nalika mangsa semi asring ana udan utawa malahan nganti salju. Ing mangsa iki suhuné udakara 22 nganti 49 °F ing sasi April, nanging ing dalan èrèngan tetap katutup salju nganti pungkasané sasi Mèi utawa wiwitané sasi Juni. Usum panas ing taman nasional iki diwiwiti sasi Juni nganti Agustus kang suhuné hawa padinan udakara 77 °F, lan ing wayah wengi bisa ngancik 30-an°F. Saben tauné, udan akèh-akèhé ana ing mangsa iki, lan uga bisa ditemoni gludhug ing wayah awan.
Ing mangsa gugur, kahanané sorot srengéngé, udan, lan salju arang ditemoni. Mangsa gugur ing papan iki tabuh ing sasi Sèptember ngan Novèmber. Suhuné hawa nalika mangsa iki udakara 23-54 °F. Ing saben sasiné udakara 23 dina suhuné hawa ing sakngisoré suhu beku, mula dipraogakaké para wisatawan nganggo klambi kang kandel.[9]
| Dhata iklim Jenny Lake Visitor Center, Grand Teton National Park, WY (1981 – 2010). | |||||||||||||
|---|---|---|---|---|---|---|---|---|---|---|---|---|---|
| Sasi | Jan | Fèb | Mar | Apr | Mèi | Jun | Jul | Agu | Sèp | Okt | Nov | Dhès | Taun |
| Rerata suhu sing dhuwur °F (°C) | 26.3 (−3.2) |
31.1 (−0.5) |
39.8 (4.3) |
47.6 (8.7) |
57.5 (14.2) |
67.4 (19.7) |
77.3 (25.2) |
76.5 (24.7) |
66.2 (19) |
52.2 (11.2) |
35.4 (1.9) |
25.2 (−3.8) |
50.3 (10.2) |
| Rerata per dina °F (°C) | 15.1 (−9.4) |
18.4 (−7.6) |
26.8 (−2.9) |
34.7 (1.5) |
43.7 (6.5) |
52.0 (11.1) |
59.6 (15.3) |
58.5 (14.7) |
49.7 (9.8) |
38.7 (3.7) |
25.1 (−3.8) |
15.2 (−9.3) |
36.6 (2.6) |
| Rerata suhu sing dhuwur °F (°C) | 3.9 (−15.6) |
5.7 (−14.6) |
13.9 (−10.1) |
21.8 (−5.7) |
29.9 (−1.2) |
36.6 (2.6) |
41.8 (5.4) |
40.5 (4.7) |
33.1 (0.6) |
25.3 (−3.7) |
14.7 (−9.6) |
5.1 (−14.9) |
22.8 (−5.1) |
| Rerata curah udan inches (mm) | 4.12 (104.6) |
3.03 (77) |
3.22 (81.8) |
2.87 (72.9) |
3.09 (78.5) |
1.98 (50.3) |
1.26 (32) |
1.27 (32.3) |
1.66 (42.2) |
2.21 (56.1) |
3.91 (99.3) |
4.25 (108) |
32.87 (834.9) |
| Kalembaban relatif rerata (%) | 78.4 | 70.8 | 65.5 | 58.9 | 55.7 | 52.8 | 44.4 | 44.2 | 47.8 | 57.1 | 71.2 | 79.9 | 60.5 |
| Sumber: PRISM Climate Group[10] | |||||||||||||
| Sasi | Jan | Fèb | Mar | Apr | Mèi | Jun | Jul | Agu | Sèp | Okt | Nov | Dhès | Taun |
|---|---|---|---|---|---|---|---|---|---|---|---|---|---|
| Suhu embun rerata °F | 9.6 | 10.5 | 16.8 | 21.8 | 28.9 | 35.3 | 37.9 | 36.8 | 30.7 | 24.8 | 17.1 | 10.1 | 23.4 |
| Suhu embun rerata °C | -12.4 | -11.9 | -8.4 | -5.7 | -1.7 | 1.8 | 3.3 | 2.7 | -0.7 | -4.0 | -8.3 | -12.2 | -4.8 |
Sumber: PRISM Climate Group[10]
| |||||||||||||
Rujukan
besut- ↑ "Grand Teton National Park". Geographic Names Information System, U.S. Geological Survey. Dibukak ing January 8, 2012.
- ↑ "Park Statistics". Diarsip saka asliné ing Novèmber 8, 2012. Dibukak ing Januari 22, 2013.
- ↑ "NPS Annual Recreation Visits Report". National Park Service.
- ↑ "Everything to know about Grand Teton National Park". Travel (ing basa Inggris). 2019-07-29. Dibukak ing 2020-01-20.
- ↑ a b c d e Moose, Mailing Address: P. O. Box 170; Us, WY 83012 Phone:739-3399 Contact. "Park Statistics - Grand Teton National Park (U.S. National Park Service)". www.nps.gov (ing basa Inggris). Dibukak ing 2020-01-23.
- ↑ Moose, Mailing Address: P. O. Box 170; Us, WY 83012 Phone:739-3399 Contact. "Bears - Grand Teton National Park (U.S. National Park Service)". www.nps.gov (ing basa Inggris). Dibukak ing 2020-01-23.
- ↑ Moose, Mailing Address: P. O. Box 170; Us, WY 83012 Phone:739-3399 Contact. "Amphibians - Grand Teton National Park (U.S. National Park Service)". www.nps.gov (ing basa Inggris). Dibukak ing 2020-01-23.
- ↑ Moose, Mailing Address: P. O. Box 170; Us, WY 83012 Phone:739-3399 Contact. "Plants - Grand Teton National Park (U.S. National Park Service)". www.nps.gov (ing basa Inggris). Dibukak ing 2020-01-25.
- ↑ Moose, Mailing Address: P. O. Box 170; Us, WY 83012 Phone:739-3399 Contact. "Weather - Grand Teton National Park (U.S. National Park Service)". www.nps.gov (ing basa Inggris). Dibukak ing 2020-01-20.
- ↑ a b "PRISM Climate Group, Oregon State University". www.prism.oregonstate.edu. Dibukak ing July 5, 2019.