Taun wuntu utawa taun wuntu yaiku taun kang umuré ditambah sadina tinimbang taun lumrah (taun wastu). Ing petungan taun Syamsiah taun wuntu cacah dinané 366 dina, déné ing taun jawa cacahé dina ing taun wuntu ana 355 dina.

Setaun syamsiah cacah dinané ora persis 365 dina, nanging 365 dina, 5 jam, 48 menit lan 45,1814 dhetik. Yèn kaluwihan jam, menit lan dhetik iku ora diétung, saben patang taun cacah dinané bisa kelangan mèh sadina.

Kanggo kompènsasi bab iku, saben patang taun sapisan (taun sing bisa dibagi papat), ditambahi sadina ekstra: 29 Fèbruari. Nanging amarga 5 jam, 48 menit dan 45,1814 dhetik kurang saka 6 jam, mila taun-taun kang bisa dibagi 100 (kaya taun 1900), dudu taun wuntu, kejaba bisa dibagi kanthi angka 400 (kaya taun 2000).

Tahun Kabisat miturut dhéfinisi iki ana wiwit diluncuraké kalendher Grégorius.