The Great Pumpkin

The Great Pumpkin (Labu Raksasa) ya iku tokoh fiksi ing strip komik Peanuts karyané Charles M. Schulz. Tokoh iki, ya iku tokoh ing imajinasi Linus van Pelt sing kur teyeng di deleng ana ing kae thok.

The Great Pumpkin ya iku tokoh sing nongol searepé Halloween. Kur Linus thok sing percaya The Great Pumpkin arep teka pas malem Halloween. Enggal taunné pas malem Halloween, Linus njaga labu ing kebon lan ngentèni The Great Pumpkin nongol. Namung, The Great Pumpkin kadang-kadang ora nongol. Karo rasa isin Linus janji arep ngentèni ing malen Halloween taun ngèsuké. Tèma iki dijiot Schulz, kelebu kanggo film animasi kanggo acara spesial ing televisi, It's the Great Pumpkin, Charlie Brown.

Miturut Linus, Great Pumpkin nongol saka kebon labu ing malem Halloween, lan mabur ing nduwur kanggo awèh dolanan maring bocahan sadonya sing kelakuané apik. Ing strip komik taun 1996, Linus usaha kanggo ngeyakinna adiné, Rerun, nanging Rerun ora gelem percaya. Rerun mèlu karo kakangé pas Linus dolan saka ngumah maring ngumah péngetna kabar Great Pumpkin.

Ing strip komik taun 1999 sing edisi Halloween akiré kanggo Schulz, Linus kasil ngeyakinna Sally kanggo mbatiri ing kebon labu ngenteni Great Pumpkin teka. Malem kuwé kabean ndeleng sesoatu sing ketone medhèni, nanging jebule sing nongol malah Snoopy sing nunggangi kandaran sing kanggo nyapu es..