Tugu Identitas Kudus

Tugu Identitas Kudus inggih punika salah satunggalipun objek wisata kang wonten ing désa Getas Pejaten Kacamatan Jati Kudus wonten sisih tengen jalan raya Kudus-Semarang lan 1 km saking simpang 7 alun-alun Kudus. Papan panggènan punika gadhah aji historis, amargi Tugu Identitas inggih punika salah satunggalipun papan pertempuran pejuang Kudus kanggé ngrebut kamardikan. Tugu punika dipunyasa ing 25 Mèi 1968, lan peresmianipun déning Gubenur Jawa Tengah, H. Ismail ing tanggal 28 September 1987. Wentuk Tugu Identitas punika dipunsunting saking wentuk Menara Kudus kang dados ciri kas kitha Kudus lan sampun dados Lambang Laladan Kabupatèn Kudus. Pelipit kang wonten ing papan Tugu Identitas punika nglambangaken perjuangan ngrebut kamardikan RI 17 Agustus 1945, lang nglambangaken falsafah lan pandangan bangsa Indonesia.

Tugu Identitas Kudus

Tegesing Pelipit Tugu besut

  1. Pelipit ing pérangan nginggil tugu: cacah 17
  2. Pelipit ing pérangan ngandhap tugu: cacah 45
  3. Pelipit ing pérangan nginggil batang ngandhap tugu: cacah 5
  4. Pelipit ing pérangan ngandhap batang ngandhap tugu nglambangaken area géografis Kabupatèn Kudus kang gadhah 3 pérangan, inggih punika: area gunungan, area dataran cendhak, lan area rawa
  5. Pelipit ing pérangan tengah tugu: cacah 8
  6. Altar Tugu kang gadhah wentuk bunder ngubengi ngandhap tugu nglambangaken semangat lan kebulatan tekad masarakat Kudus kanggé yasa laladan kanthi sampun kalampahipun ancas kados kang dipuncita-citaaken Proklamasi 17 Agustus 1945 dasaripun Pancasila lan UUD 1945.

Nginggilipun saking Tugu Identitas inggih punika 27 mèter, lan kang maduaken angka 2 lan 7 gadhah cacah 9 (sanga) nglambangaken Wali Songo kang 2ipun wali wonten ing Kudus, inggih punika Sunan Muria lan Sunan Kudus.[1] Tugu Identitas punika badhé dipunrenovasi déning Investor hypermart utawi Kudus Extensional Mall kang badhé yasa hypermart ing sisihipun Tugu Identitas ing Kabupatèn Kudus, Jawa Tengah.[2] Kangge yasa hypermart punika, welasan wit-witan kang gadhah umur puluhan taun ing kawasan Tugu Identitas punika badhé dipuntebang. Sinaosa wit-witan punika dados resepan toya lan dados penangkal saking polusi ing jalur padat Kudus. Sinaosa kathah tiyang ing laladan Tugu Identitas kang boten setuju dipunyasa hypermart, nanging pembangunanipun taksih dipunlajengaken. Pembangunan punika taksih dipunlajengaken amargi wonten janji saking investor kang badhé dadosaken Tugu Identitas langkung éndah.[3]

Cathetan suku besut

  1. [ http://kudusweb.net/serba-serbi/kudus/tugu-identitas-kudus Archived 2012-01-01 at the Wayback Machine. kudusweb.net](dipuntingali tanggal 6 Agustus 2011)
  2. [ http://www.promojateng-pemprovjateng.com/detailnews.php?id=12518 www.promojateng-pemprovjateng.com](dipuntingali tanggal 6 Agustus 2011)
  3. www.seputar-indonesia.com(dipuntingali tanggal 16 Agustus 2011)