Wikipédia:Artikel pethingan/2007 04

Baita jung. Mbok menawi rombongan Sundha nitih baita kados makaten.

Kidung Sundha menika satunggaling seratan kasusastran mawi basa Jawi Tengahan awujud tembang. Mbok bilih, tembang menika saking Bali. Wonten ing kidung menika dipun cariyosaken Hayam Wuruk, raja Majapahit, ingkang pados garwa. Sinuwun Prabu banjur kersa krama kaliyan putri Sundha ingkang asmanipun mboten dipun sebataken. Ananging, patih Gajah Mada mboten remen amargi tiyang Sundha kedah tundhuk marang tiyang Majapahit. Jalaran prakawis menika, kaleksanan prang ageng wonten ing Bubat, palabuhan ingkang kagem tiyang-tiyang Sundha dugi. Ing prastawa menika tiyang Sundha kalah lan putri ingkang dipun gadhang-gadhang dados garwanipun Sang Prabu suduk salira béla pati. (jangkepipun...)