Euro iku sawijining valuta lan unit monetèr resmi Uni Éropah lan utamané dienggo ing Zona Euro. Zona euro iku tlatah negara-negara anggota Uni Éropah sing nganggo valuta iki. Ing taun 2011 ana 17 negara anggota Zona Euro. Sacara giral, Euro wiwit dienggo tanggal 1 Januari 1999. Nanging sacara fisik dhuwit kertas lan koin utawa dhuwit logam lagi dilansir ing tanggal 1 Januari 2002, wiwit tanggal 28 Februari 2002] manten valuta-valuta negara anggota ora dadi valuta resmi manèh. Valuta Euro iku dilambangaké mawa simbul €.

Asal mulané Euro iku ana ing Prajanjiyan Maastricht (1991), sawijining prajanjèn antara 12 anggota Uni Éropah kala kuwi, yaiku: Britania Raya, Prancis, Jerman, Italia, Irlandia, Belgia, Denmark, Walanda, Spanyol, Portugal, Yunani lan Luksemburg. Kala iku Uni Ekonomis lan Monetèr (EMU utawa ing basa Inggris Economic Monetary Union) uga diadegaké.

Euro iku valuta cadhangan kapindho sing akèh dhéwé sawisé Dolar Amérika Sarékat, saliyané iku Euro uga valuta sing didagangaké akèh dhéwé kapindho sawisé Dolar Amérika Sarékat.


Maos salajengipun ...