Wisata pasisir Gunungkidul
Wisata pasisir Gunungkidul inggih punika papan wisata kang kapernah wonten ing sisih kidul kabupatèn Gunungkidul.[1] Kabupatèn Gunungkidul inggih punika salah satunggaling kabupaten wonten ing provinsi Daerah Istimewa Yogyakarta. Kabupatèn Gunungkidul wiyaripun kirang langkung 1.485,36 km pesagi. Cacah jiwa utawi bebrayan ing taun 2007 inggih punika 756.987, kanthi kepadatan pendhudhuk 510 jiwa/km pasagi. Gunungkidul punika wonten 18 kecamatan, 144 désa, 1431 dhusun, 3114 RW, saha 7077 RT. Kabupatèn Gunungkidul gadhah potènsi perekonomian ingkang saé sanget kadosta budhidaya tani, iwak, ternak, alas, tetuwuhan, kèwan, indhustri, saha potènsi wisata.
Wonten ing sisih lèr Gunungkidul inggih punika Kabupatèn Klathèn saha Kabupatèn Sukaharja. Wonten ing sisih kidulipun punika Samodra Hindhia. Sisih kileèipun punika Kabupaten Bantul saha Kabupaten Sléman. Lan sisih wetanipun punika Kabupatèn Wanagiri (Dinas Pariwisata saha Kebudayaan Kabupaten Gunungkidul, 2007). Ingkang wonten pasisiripun ing sisih kidul, kanthi dawanipun kirang langkung 70 kilomèter.
Kahanan lemah wontèn ing Kabupatèn Gunungkidul inggih punika dhataran inggil saha garing. Bab punika ingkang ndadosaken para masarakat ingkang tani namung saged tani nalika ing musim rendheng kemawon. Para masarakat tani punika biyasanipun nandur wohwohan palawija ing antawisipun kadasta jagung, tela, saha dhelé.
Kabupatèn Gunungkidul ugi anggadhahi topografi wujudipun pagunungan ingkang kabentuk saking watu kapur. Bab punika ingkang ndadosaken Kabupatèn Gunungkidul punika dados Pagunungan Kapur (karst) Sewu. Wiyarupun papan karts ing Kabupatèn Gunungkidul punika kirang langkung 13.000 km pasagi. Bab punika saged dados modhal kanggé ngrembakaké pariwisata ing kabupatèn punika.
Gunungkidul kathah pasisir ingkang jèjèr saking sisih kilen dumugi wétan ingkang dawanipun kirang langkung 65 kilomèter. Pasisir punika gadhah potènsi ingkang saé sanget saha boten kalah saénipun tinimbang pasisir-pasisir ingkang wonten ing Jogja.
Woten ing Gunungkidul punika boten saben kecamatan wonten pasisirnipun. Tanjungsari punika wonten kathah pasisir ing antawisipun pasisir sundak, pasisir Indrayanti, pasisir kukup, pasisir drini, pasisir pok tunggal, pasisir sadranan, pasisir krakal, pasisir kukup, pasisir Timang, pasisir timang, pasisir slili, pasisir ngrenehan, ngobaran beach, pasisir wediombo, saha pasisir nglambor. Ananging sejatosipun boten namung punika kemawon. Taksih kathah pasisir ingkang dereng kababar.[1]
Pasisir ing Gunungkidul
besut- pasisir sundak,
- pasisir Indrayanti,
- pasisir kukup,
- pasisir drini,
- pasisir pok tunggal,
- pasisir sadranan,
- pasisir krakal,
- pasisir kukup,
- pasisir Timang,
- pasisir timang,
- pasisir slili,
- pasisir ngrenehan,
- ngobaran beach,
- pasisir wediombo,
- pasisir nglambor, lsp