World Wildlife Fund

Worldwide Fund for Nature (dicekak WWF), diadegaké tanggal 1 September 1961 déning sawatara wong, antarané ahli biologi Sir Julian Huxley, Pangeran Bernhard saka Walanda, Max Nicholson lan naturalis lan pelukis Sir Peter Scott sing ndesain logo panda ireng-putih-é. WWF iku salah siji organisasi lingkungan gedhé dhéwé ing donya. Organisasi iki duwé 28 organisasi nasional lan kantor punjeré dumunung ing Gland, Switserlan.

Barkas:Wwflogo.jpg

Logo WWF

Sajeroning sajarahé, sawatara panyumbang gedhé dhéwé kalebu Chevron lan Exxon (punjul US$50.000 ing taun 1988), Philip Morris, Mobil, lan Morgan Guaranty Trust.

Tokoh WWF sing paling misuwur yakuwi YM Pangeran Philip. Philip iku Présidhèn pisanan WWF-Karajan Manunggal wiwit madegé ing taun 1961 nganti 1982, Présidhèn Internasional WWF (1981-1996), lan saiki President Emeritus.

Organisasi iki njurung Protokol Kyoto lan tetep sajeroning panemuné yèn pihak-pihak pamaréntah perlu nguwataké upaya nglawan pamanasan global.

Organisasi iki uga duwé tujuan:

nglindhungi angka aneka ragaman genetis, spésies lan ékosistem
njaga panggunaan sumber daya alam supaya bisa ditahan kanggo wektu sing suwé kanggo kauntungan kabèh kauripan ing Bumi
ngurangi polusi lan konsumsi sing ora migunani.

Présidhèn

1962-1976: YM Pangeran Bernhard saka Walanda
1976-1981: John H. Loudon
1981-1996: YM Pangeran Philip
1996-1999: Syed Babar Ali
2000-2000: Ruud Lubbers
2000-2001: Sara Morrison
2001-kini: Emeka Anyaoku

Pranala njaba

http://www.panda.org-Situs^{[pranala mati permanèn]} resmi WWF
http://www.wwf.or.id-Situs^{[pranala mati permanèn]} resmi WWF Indonésia
http://www.akusayang.com-Situs^{[pranala mati permanèn]} Suporter WWF-Indonésia