Yahya bin Ma'in
Yahya bin Ma'in ya iku ulama saka abad ke-2 Hijriyah. Yahya dilairake ing taun 158 H lan Adz-Dzahabi ngendika menawa Yahya bin Ma'in wis nulisake ilmu hadits nalika umur 20 taun lan Yahya bin Ma'in kang paling tuwa saka ulama kang saangkatan, kayadene Ali bin al-Madini, Ahmad bin Hanbal, Ishaq bin Rahawaih, Abu Bakar bin Abu Syaibah lan Abu Khaitsamah. Dene Imam Ahmad ngendika "Yahya bin Ma'in wong kang paling limpad ing babagan para rawi kadis.[1]
Yahya bin Ma'in meguru marang Abdullah bin Mubarak, Husyaim, Ismail bin Ayyasy, Abbad bin Abbad, Sufyan bin Uyainah, Ghundar, Waki', Yahya bin al-Qahthan lan liya-liyane saka negara Irak, Hijaz, Jazirah, Syam lan Mesir. Dene muride kaya ta Imam Bukhari, Imam Muslim, Abu Dawud, lan liya-liyane.[1]
Yahya bin Ma'in seda ing sasi Dulkaidah 233 H ing Madinah nalika arep budhal nindhakake kaji.[1]
Rujukan besut
- ↑ a b c Farid., Ahmad (2012). Biografi 60 ulama ahlussunnah : yang paling berpengaruh & fenomenal dalam sejarah Islam. Jakarta: Darul Haq. ISBN 9789791254656. OCLC 960359626.