Yejong saking Goryeo
Yejong saking Goryeo (1079–1122) (jumeneng 1105–1122) punika raja ingkang kaping 16 Goryeo.
| Yejong saking Goryeo | |
|---|---|
| Hangul | 예종 |
| Hanja | 睿宗 |
| Alihaksara Koréa Kang Sinampurna | Yejong |
| McCune–Reischauer | Yejong |
| Jeneng lair | |
| Hangul | 왕우 |
| Hanja | 王俁 |
| Alihaksara Koréa Kang Sinampurna | Wang U |
| McCune–Reischauer | Wang U |
| Jeneng krama | |
| Hangul | 세민 |
| Hanja | 世民 |
| Alihaksara Koréa Kang Sinampurna | Semin |
| McCune–Reischauer | Semin |
Biografi
besutYejong saking Goryeo punika putra pembarep Kaisar Sukjong kanthi Ratu Myeongui. Piyambakipun punika jumeneng sasampunipun Ramanipun séda.[1]
Ing antawisipun dekretipun ingkang sapisan nalika taun 1106, punika kalebet satunggaling dhawuh kanggé mecah krajan dhateng divisi administratif énggal. Piyambakipun punika satunggaling promotor saé wonten ing Taoisme, milih piwulangan kasebat tinimbang piwulangan Buddha ingkang dipunanut déning para pangarsanipun ing astana. Nalika ing mangsa pamaréntahipun, upacara-upacara astana dipuntepangkan déning Dinasti Song, Tiongkok, kathah pendhèrèk lan institusi Taoisme dipunmadegaken wiwit ngrembaka.
Sinaosa ing wiwitan abad ingkang kaping 12 punika kalebet jaman ingkang radi stabil tumrap Koréa, Yejong punika kedah ngadhepi trajangan saking Jurchen wonten ing sisih lor krajan. Piyambakipun punika boten nyaguhi kekajengan diplomatik Dinasti Jin, ingkang dados sainganipun ing Tiongkong ingkang dipunmadegaken nalika taun 1115 déning Jurchen. Sewalikipun piyambakipun punika ngirim rombongan kanthi cacah ingkang kathah kanggé nangkis serangan Jis wonten ing wewengkon sisih lor krajanipun.[2]
Piyambipun punika ugi kondhang awit sponsoripun wonten seni. Ing taun 1114, Yejong punika ngirim panyuwunan dhumateng Dinasti Song Kaisar Huizong supados ngirim instrumen Cina dhateng astananipun wonten ing kutha krajan Goryeo Gaeseong, supados piyambakipun punika saged ngatur upacara wonten ing Astana Goryeo. Huizong, katingalipun salah paham kaliyan panyuwunan kasebat, ngirim setunggal set piranti musik ingkang dipun-ginakaken kanggé musik upacara prayaan wonten ing krajan (Huizonf ing taun 1110, kanthi alesan pulitik maringi jaminan status "raja sejati" lan Goryeo bibar punika ngatur piyambak kanthi béda ingkang ageng saking Tiongkok.[3] Kalih taun salajengipun, ing taun 1116, Yejong punika ngirim petisi sanèsipun kanthi nyethakaken malih panyuwunipun instrumen musik kanggé upacara lan dipunparingi walesan saking Huizong kanthi ngirim bebungah ingkang langkung ageng malih saking instrumen musik ingkang sadèrèngipun (ingkang punika instrumen yayue, kanthi cacahipun 428) lan dipunsarengi kaliyan jogèd tradhisional lan dhawuhan ingkang jumbuh, wiwitanipun tradhisi aak, Koréa.
Ketingalipun bebungah-bebungah kasebat wonten ing taun 1114 lan 1116 kalebet bagéyan saking usaha kanggé pikantuk kasetyanipun Goryeo anggènipun nglawan Jurchen, nanging strategi punika kabukti boten kasil; Goryeo panggah nétral lan kutha krajan Song, kaifeng dados kagunganipun Jin ing taun 1127.
Yejong punika ugi gadhah kawigatèn marang botani, ngempalaken tuwuh-tuwuhan ingkang langka saking sedaya Koréa lajeng ngirim dhateng Tiongkok minangka ijolan kaliyan tuwuh-tuwuhan Cina.[4] Ugi sedangunipun mangsa pamaréntahipun, industri keramik punika ngrembaka kanthi desain Koréa ingkang kathah wonten ing Tiongkok ingkang sepisanan.
Pamaréntahan Yejong ingkang dipuntandhani mrosotipun wasésa déning para penasehat papréntahan lan para pejabat sanèsipun ingkang asring padudon setunggal lan setunggalipun.[5] Pérangan punika dipuntambah kaliyan sansaya angèlipun militèr kaliyan Jurchen ing sisih lor, damel munduripun sansaya tebih dhateng buku-buku lan ritual Taoisme.[6] Yejong dipun-gantos déning putranipun, Injong sasampunipun piyambakipun séda. Injong punika putra permaisuri Yejong, ingkang putri kekalih Yi Cha-gyom, pangarsa klan wonten ing Incheon.[7]
Cathetan babagan Yejong ingkang sejatosipun (sillok) dipundamel kompilasi déning tigang tiyang sejarawan (kalebet sarjana Konfusian Kim Bu-sik, ingkang dipuntunjuk dados tiyang ingkang nyathet buku padintenan krajan utawi ji, ing taun 1121) wiwit saking taun 1123.[8]
Pirsani ugi
besutRujukan
besut- ↑ "예종 睿宗" . Nate / Encyclopedia of Korean Culture.
{{cite web}}: Check|url=value (pitulung)[pranala mati permanèn] - ↑ "The Northern Frontier". Koreanhistoryproject.org. Dibukak ing 2010-01-07.
- ↑ "by Cho Woo-suk, JoongAng Daily, November 22, 2004". Buddhapia. 2004-11-22. Diarsip saka sing asli ing 2011-07-19. Dibukak ing 2010-01-07.
- ↑ "South Korea Trave Tips". Southtravels.com. Dibukak ing 2010-01-07.
- ↑ "Archive copy". Diarsip saka sing asli ing 2007-09-28. Dibukak ing 2018-01-15.
{{cite web}}: CS1 maint: archived copy as title (link) - ↑ Ham, Sok Hon (1985). "Queen of suffering: a spiritual history of Korea". Chapter IV The North: Prize and Peril. Friends World Committee for Consultation. Diarsip saka sing asli ing 2009-11-04. Dibukak ing 2010-01-07.
- ↑ "The Sword and the Crown". Koreanhistoryproject.org. Dibukak ing 2010-01-07.
- ↑ "An Introduction to the Samguk sagi". University of Hawaii. Diarsip saka asliné ing 2012-08-05. Dibukak ing 2010-01-07.
Pranala njawi
besut- Page about Yejong's military campaigns Archived 2009-11-04 at the Wayback Machine.
- Paintings about Yejong's military feats
Yejong saking Goryeo Lair: 11 Februari 1079 Tilar donya: 15 Mei 1122
| ||
| Gelar kabangsawanan | ||
|---|---|---|
| Kang sadurungé Sukjong |
Raja Goryeo 1105–1122 |
Kang sawisé Injong |