Yohanes Calvin
John Calvin utawi saged dipunsebat Yohanes Calvin (lair ing Noyon, Picardie, Karajan Prancis, 10 Juli 1509 – pati ing Jenewa, Switserlan, 27 Mèi 1564 ing umur 54 taun) inggih punika téolog Kristen saking Prancis ingkang misuwur ing wekdal Réformasi Protèstan.[1] Sapunika namanipun kawentar minangka tiyang ingkang wonten gayutanipun kaliyan sistem téyologi Kristen ingkang dipunsebat Calvinisme (Kalvinisme).[1] Panjenenganipun miyos kanthi asma Jean Chauvin (utawi Cauvin) ing Noyon, Picardie, Prancis, saking Gérard Cauvin lan Jeanne Lefranc.[1] Basa Prancis punika dados basa ibunipun. Calvin asalipun saking vèrsi Latin namanipun, Calvinus.[1]
| Jean Chauvin | |
|---|---|
 | |
| Lair | 10 Juli 1509 Noyon, Picardie, Karajan Prancis |
| Pati | 27 Mèi 1564 Jenewa, Switserlan |
Biografi
besutNalika alit Yohanes Calvin asring dipungayutaken kaliyan Charles de Hangest, salah satunggal saking kalih welas bangsawan inggil ing Prancis (twelve Peers of France) ingkang mréntah ing Ngoyon (panggènan Calvin dipunwiyosaken).[2] Calvin gadhah gayutan ingkang caket kaliyan anggota kulawarga Hangest.[2] Gayutan ingkang caket punika dados alesan Calvin gadhah tata krama kados déné aristokrtat.[2]
Wonten ing yuswa 14 (sekawan welas) taun, Calvin dipunkuliahaken dhateng Universitas Paris supados sinau bab humaniora lan hukum.[3] Calvin tindak dhateng Prancis kaliyan tiga nèm-nèman saking kulawarga Hengest. Taun 1532, panjenenganipun dados Dhoktor Hukum ing Orléans. Karyanipun ingkang sepindhah inggih punika buku karya filsuf Romawi Seneca, De clementia, ingkang dipunkomentari kanthi manthes.[3]
Taun 1536, panjenenganipun manggèn ing Jenewa. Panjenenganipun dados pendhéta ing Strasbourg taun 1538-1541, lajeng kondur malih dhateng Jenewa. Panjenenganipun manggèn ing Jenewa ngantos dumugi tilar donya ing taun 1564.[3]
Cathetan sukuku
besut- ↑ a b c d You are hereJohanes Calvin Johanes Calvin dipunundhuh tanggal 24 Juni 2011)
- ↑ a b c [ Francois Wendel. 2010. Calvin: Asal-usul dan Perkembangan Pemikiran Religiusnya. Surabaya: Momentum 4-5]
- ↑ a b c [ J. L. Ch. Abineno. 2006. Bucer & Calvin, Suatu Perbandingan Singkat. Jakarta: Gunung Mulia]
Pranala njawi
besut| Wikimedia Commons duwé médhia ngenani John Calvin. |
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |