Énséladus (satelit)
 </img>versi luwih gedhé | |||||||
| Panemuwan | |||||||
|---|---|---|---|---|---|---|---|
| Ditemokaké déning | |||||||
| Ditemokaké wayah | |||||||
| Sipat mligi garis edaré | |||||||
| Setengah poros gedhé | 237,948 km | ||||||
| Kaeksentrikan | 0,0045 [1] | ||||||
| Kala mubeng | 1.370218s [1] | ||||||
| Ndhoyong | 0,019° (saka khatulistiwa Saturnus) | ||||||
| Satelit duwèké | Saturnus | ||||||
| Sipat mligi wujudé | |||||||
| rata-rata garis tengahé | |||||||
|
| |||||||
Énséladus (lafal basa Inggris: /ɛnˈsɛlədəs/ ) [2] kuwirembulan gedhé dhéwé nomer enem duwèké planet Saturnus. Satelit iki duwé garis tengah kurang luwih 500 kilometer, ya iku sawatar siji dipara sepuluhé garis tengah rembulan gedhé dhéwé ing Saturnus, Titan. Énséladus sabagéyan akeh parmukaané katutup lapisan és seger lan resik, amarga kuwi satelit iki minangka sawijining barang akasa sing bisa mantulaké cahya kanthi padang dhéwé ing Tata Surya. Mulane, suhu permukaan ing wayah awan mung nganti −198 °C (−324 °F), luwih adhem tinimbang barang akasa liyané sing bisa nyerep cahya. Senadyan ukurané cilik, Énséladus nduweni werna-werna bentuk parmukaan, wiwit saka wewengkon kebak kawah lawas, nganti lemah anyar kang kabentuk kanthi cara tektonik.
Énséladus ditemokaké tanggal 28 Agustus 1789 déning William Herschel, nanging ora akèh sing diweruhi saka satelit iki nganti rong wahana akasa Voyager, Voyager 1 lan Voyager 2 mabur nyedaki nalika awal taun 1980-an. Ing taun 2005, pesawat akasa Cassini wiwit ngelakoni sawetara pamaburan cedhak Énséladus, lan kasil njlentrehaké parmukaan lan lingkungané kanthi luwih rinci. Saliyané kuwi, Cassini nemokaké plume (semburan) sing metu saka wilayah kutub kidul. Kriyovolkano sing manggon cedhak kutub kidul ngetokaké pancaran kaya geyser sing ngemot uap banyu, molekul hidrogen, bahan molah malih liyane, lan materi padhet, kalebu kristal natrium klorida lan partikel es, menyang angkasa nganti 200 kg per detik. Luwih saka 100 geyser wis kasil dijlentrehaké. Sawetara uap banyu tiba maneh minangka "salju"; liyane oncat, lan diwenehake sabagéyan akèh materi kanggo mbentuk cincin E Saturnus . Miturut èlmuwan NASA, plume mau duwé komposisi mèmper karo komèt. Ing taun 2014, NASA ngewartaaké yen Cassini wis nemokake bukti ananing sagara gedhe ing ngisor permukaan kutub kidul Énséladus kanthi kekandelan udakara 10 km.
- ↑ a b "Salinan arsip". Diarsip saka sing asli ing 2005-03-09. Dibukak ing 2006-03-13.
- ↑ "Enceladus" di American Heritage Dictionary (2018)