ꦏꦺꦴꦁꦒꦿꦺꦱ꧀ꦲꦏ꧀ꦱꦫꦗꦮ
꧋ꦏꦺꦴꦁꦒꦿꦺꦱ꧀ꦲꦏ꧀ꦱꦫꦗꦮꦲꦶꦏꦸꦩꦶꦤꦁꦏꦏꦒꦶꦪꦠꦤ꧀ꦏꦁꦣꦶꦒꦼꦭꦂꦏꦁꦒꦺꦴꦔꦿꦼꦩ꧀ꦧꦸꦒ꧀ꦧꦧ꧀ꦠꦸꦮꦸꦃꦉꦩ꧀ꦧꦏ꧈ꦠꦠꦕꦫꦔꦸꦫꦶꦲꦸꦫꦶ꧈ꦭꦤ꧀ꦥꦿꦏꦫꦏꦁꦒꦪꦸꦠ꧀ꦏ꧀ꦭꦮꦤ꧀ꦠꦠꦥꦤꦸꦭꦶꦱꦤ꧀ꦲꦏ꧀ꦱꦫꦗꦮ꧉ꦏꦺꦴꦁꦒꦿꦺꦱ꧀ꦲꦏ꧀ꦱꦫꦗꦮꦏꦁꦱꦼꦥꦶꦱꦤꦤ꧀ꦢꦶꦒꦼꦭꦂꦲꦶꦁꦱꦿꦶꦮꦺꦢꦫꦶ꧈ꦱꦸꦫꦏꦂꦠꦲꦶꦁꦠꦲꦸꦤ꧀꧇꧑꧙꧒꧒꧇꧈ꦤꦸꦭꦶꦤꦭꦶꦏꦗꦩꦤ꧀ꦥꦱ꧀ꦕꦏꦩꦂꦢꦶꦏꦤꦶꦁꦆꦤ꧀ꦝꦺꦴꦤꦺꦱꦶꦪꦏꦒꦼꦭꦂꦩꦤꦺꦃꦲꦶꦁꦢꦌꦫꦃꦆꦱ꧀ꦠꦶꦩꦺꦮꦪꦺꦴꦒꦾꦏꦂꦠꦠꦲꦸꦤ꧀꧇꧒꧐꧒꧑꧇꧉
.jpg)
ꦱꦗꦫꦃ
besut꧋ꦤꦭꦶꦏꦗꦩꦤ꧀ꦥꦿꦏꦩꦂꦢꦶꦏꦤ꧀ꦆꦤ꧀ꦝꦺꦴꦤꦺꦱꦶꦪ꧈ꦏꦺꦴꦁꦒꦿꦺꦱ꧀ꦲꦏ꧀ꦱꦫꦗꦮꦠꦻꦴꦏꦒꦼꦭꦂꦲꦶꦁꦠꦲꦸꦤ꧀꧇꧑꧙꧒꧒꧇ꦩꦥꦤ꧀ꦲꦶꦁꦱꦿꦶꦮꦺꦢꦫꦶ꧈ꦱꦸꦫꦏꦂꦠ꧉ꦏꦺꦴꦁꦒꦿꦺꦱ꧀ꦲꦶꦏꦶꦢꦶꦠꦼꦏꦤꦶꦢꦺꦤꦶꦁꦱꦫꦺꦏꦠ꧀ꦒꦸꦫꦸ(ꦏꦁꦏꦢꦝꦺꦤ꧀ꦱꦏꦤꦺꦴꦂꦩꦄꦭ꧀ꦱ꧀ꦕ꧀ꦲꦺꦴꦎꦭ꧀ꦭꦤ꧀ꦏ꧀ꦮꦺꦪꦺꦏ꧀ꦱ꧀ꦕ꧀ꦲꦺꦴꦎꦭ꧀)꧈ꦱꦫꦺꦏꦠ꧀ꦧꦱꦗꦮ꧈ꦧꦭꦺꦥꦸꦱ꧀ꦠꦏ꧈ꦥꦩꦺꦁꦏꦸꦥꦿꦗ꧈ꦭꦤ꧀ꦮꦏꦶꦭ꧀ꦱꦏꦏꦫꦗꦤ꧀ꦥꦤꦺꦫꦸꦱꦶꦁꦩꦠꦫꦩ꧀ꦆꦱ꧀ꦭꦩ꧀(ꦢꦸꦩꦢꦶꦱꦏꦏꦫꦠꦺꦴꦤ꧀ꦏꦱꦸꦤꦤꦤ꧀ꦱꦸꦫꦏꦂꦠ꧈ꦏꦫꦠꦺꦴꦤ꧀ꦏꦱꦸꦭ꧀ꦠꦤꦤ꧀ꦔꦪꦺꦴꦒꦾꦏꦂꦠ꧈ꦏꦢꦶꦥꦠꦺꦤ꧀ꦩꦁꦏꦸꦤꦒꦫꦤ꧀꧈ꦭꦤ꧀ꦏꦢꦶꦥꦠꦺꦤ꧀ꦥꦏꦸꦮꦭꦩꦤ꧀)꧉ꦲꦚ꧀ꦕꦱꦶꦁꦏꦺꦴꦁꦒꦿꦺꦱ꧀ꦲꦶꦏꦶꦏꦁꦒꦺꦴꦔꦶꦩ꧀ꦥꦸꦤ꧀ꦱꦮꦶꦗꦶꦤꦶꦁꦥꦤ꧀ꦝꦺꦴꦩ꧀ꦲꦸꦠꦮꦥꦻꦴꦒꦼꦫꦤ꧀ꦠꦠꦥꦤꦸꦭꦶꦱꦤ꧀ꦲꦏ꧀ꦱꦫꦗꦮꦲꦮꦶꦠ꧀ꦲꦏꦺꦲꦺꦮꦺꦴꦁꦏꦁꦤ꧀ꦢꦸꦮꦺꦤꦶꦥꦤꦺꦩꦸꦢꦺꦮꦺꦢꦺꦮꦺꦧꦧ꧀ꦒꦒꦿꦒ꧀ꦥꦤꦸꦭꦶꦱꦤꦺꦲꦏ꧀ꦱꦫꦗꦮ꧈ꦏꦩꦁꦏꦤꦭꦶꦏꦲꦶꦏꦸꦮꦶꦱ꧀ꦲꦏꦺꦃꦧꦧꦫꦤ꧀ꦕꦶꦛꦏ꧀ꦏꦁꦩꦶꦒꦸꦤꦏꦏꦺꦄꦏ꧀ꦱꦫꦗꦮ꧉ꦱꦮꦺꦠꦫꦠꦲꦸꦤ꧀ꦥꦸꦁꦏꦱꦤ꧀ꦲꦁꦒꦺꦴꦤꦺꦔꦶꦩ꧀ꦥꦸꦤ꧀ꦲꦶꦁꦠꦲꦸꦤ꧀꧇꧑꧙꧒꧖꧇ꦏꦺꦴꦁꦒꦿꦺꦱ꧀ꦲꦶꦏꦶꦔꦱꦶꦭꦏꦺꦮꦮꦠꦺꦴꦤ꧀ꦥꦚꦺꦫꦠꦶꦥꦸꦤ꧀ꦠꦼꦩ꧀ꦧꦸꦁꦗꦮꦶꦩꦮꦶꦱꦱ꧀ꦠꦿꦗꦮꦶꦢꦭꦱꦤ꧀ꦄꦁꦏꦲꦸꦠꦮꦏꦁꦭꦸꦮꦶꦃꦏꦭꦺꦴꦏꦩꦶꦤꦁꦏꦮꦼꦮꦠꦺꦴꦤ꧀ꦱꦿꦶꦮꦺꦢꦫꦶ꧉[1]
꧋ꦫꦶꦏꦭꦗꦩꦤ꧀ꦱꦮꦶꦱꦺꦆꦤ꧀ꦝꦺꦴꦤꦺꦱꦶꦪꦩꦂꦢꦶꦏ꧈ꦏꦺꦴꦁꦒꦿꦺꦱ꧀ꦲꦏ꧀ꦱꦫꦗꦮꦏꦒꦺꦭꦂꦩꦤꦺꦃꦠꦁꦒꦭ꧀꧇꧒꧒꧇ꦔꦤ꧀ꦠꦶ꧇꧒꧖꧇ꦩꦉꦠ꧀꧇꧒꧐꧒꧑꧇ꦲꦶꦁꦏꦧꦸꦥꦠꦺꦤ꧀ꦱ꧀ꦭꦺꦩꦤ꧀꧈ꦢꦌꦫꦃꦆꦱ꧀ꦠꦶꦩꦺꦮꦪꦺꦴꦒꦾꦏꦂꦠ꧉[2]ꦏꦺꦴꦁꦒꦿꦺꦱ꧀ꦲꦏ꧀ꦱꦫꦗꦮ꧇꧑꧇ꦲꦶꦏꦶꦢꦶꦠꦼꦏꦤꦶꦥꦫꦮꦶꦤꦱꦶꦱ꧀꧈ꦱꦂꦗꦤ꧈ꦥꦿꦏ꧀ꦠꦶꦱꦶ꧈ꦩꦱꦫꦏꦠ꧀ꦲꦸꦩꦸꦩ꧀꧈ꦗꦸꦫꦸꦧꦸꦢꦪ꧈ꦧꦶꦫꦺꦴꦏꦿꦠ꧀꧈ꦮꦏꦶꦭ꧀ꦱꦏꦈꦤꦺꦱ꧀ꦕꦺꦴ꧈ꦩꦤ꧀ꦠꦿꦶꦮꦶꦪꦠ꧈ꦒꦸꦧꦼꦂꦤꦸꦂꦢꦌꦫꦃꦆꦱ꧀ꦠꦶꦩꦺꦮꦪꦺꦴꦒꦾꦏꦂꦠꦭꦤ꧀ꦗꦮꦠꦼꦔꦃ꧉ꦒꦼꦒꦪꦸꦲꦤꦶꦁꦒꦼꦭꦫꦤ꧀ꦲꦶꦏꦶꦪꦲꦶꦏꦸꦏꦁꦒꦺꦴꦔꦿꦼꦩ꧀ꦧꦸꦒ꧀ꦧꦧꦒꦤ꧀ꦱꦪꦱꦶꦠꦶꦲꦶꦏꦺꦠꦿꦥ꧀ꦠꦿꦥꦤ꧀ꦭꦤ꧀ꦱꦱ꧀ꦠꦿꦗꦮꦩꦮꦲꦏ꧀ꦱꦫꦗꦮ꧈ꦥꦻꦴꦒꦼꦫꦤ꧀ꦲꦭꦶꦃꦲꦏ꧀ꦱꦫꦗꦮꦩꦼꦚꦁꦲꦸꦫꦸꦥ꦳꧀ꦭꦠꦶꦤ꧀꧈ꦭꦤ꧀ꦠꦠꦕꦫꦢꦶꦒꦶꦠꦭꦶꦱꦱꦶꦲꦏ꧀ꦱꦫꦗꦮ꧉[3]ꦱꦭꦶꦪꦤꦺꦲꦶꦏꦸ꧈ꦲꦶꦁꦏꦺꦴꦁꦒꦿꦺꦱ꧀ꦲꦶꦏꦶꦲꦸꦒꦔꦽꦩ꧀ꦧꦸꦒ꧀ꦥꦿꦏꦫꦥꦻꦴꦒꦼꦫꦤ꧀ꦠꦠꦥꦤꦸꦭꦶꦱꦤ꧀ꦲꦏ꧀ꦱꦫꦗꦮꦏꦁꦭꦸꦩꦿꦃꦢꦶꦥꦶꦒꦸꦤꦏꦏꦺꦢꦺꦤꦶꦁꦩꦱꦫꦏꦠ꧀ꦗꦮ꧉ꦠꦠꦥꦤꦸꦭꦶꦱꦤ꧀ꦲꦶꦏꦸꦲꦤꦩꦤꦺꦏꦮꦂꦤꦗꦶꦤꦶꦱꦺ꧈ꦲꦶꦁꦲꦤ꧀ꦠꦫꦤꦺꦪꦲꦶꦏꦸꦮꦼꦮꦠꦺꦴꦤ꧀ꦱꦿꦶꦮꦺꦢꦫꦶꦲꦱꦶꦭꦶꦁꦏꦺꦴꦁꦒꦿꦺꦱ꧀ꦠꦲꦸꦤ꧀꧇꧑꧙꧒꧒꧇[4]꧈ꦩꦂꦢꦶꦏꦮꦶꦲꦁꦒꦶꦠꦤꦺꦮ.ꦗ.ꦱ.ꦥꦸꦂꦮꦢꦂꦩꦶꦤ꧀ꦠ[5]꧈ꦭꦤ꧀ꦥꦼꦢꦺꦴꦩꦤ꧀ꦥꦼꦤꦸꦭꦶꦱꦤ꧀ꦲꦏ꧀ꦱꦫꦗꦮꦮꦼꦠꦺꦴꦤ꧀ꦱꦏꦏꦺꦴꦁꦒꦿꦺꦱ꧀ꦧꦱꦗꦮ꧉ꦲꦱꦶꦭ꧀ꦥꦸꦠꦸꦱꦤ꧀ꦏꦺꦴꦁꦒꦿꦺꦱ꧀ꦲꦏ꧀ꦱꦫꦗꦮ꧇꧑꧇ꦲꦶꦏꦶꦲꦚ꧀ꦕꦱꦺꦲꦩꦿꦶꦃꦧꦶꦱꦔꦿꦩ꧀ꦥꦸꦔꦶꦒꦺꦱꦺꦲꦤ꧀ꦲꦶꦁꦲꦤ꧀ꦠꦫꦤꦺꦱꦮꦺꦠꦫꦥꦻꦴꦒꦼꦫꦤ꧀ꦲꦶꦏꦸꦩꦻꦴ꧉
ꦥꦸꦠꦸꦱꦤ꧀ꦮꦶꦒꦠꦶ
besut꧋ꦏꦺꦴꦁꦒꦿꦺꦱ꧀ꦲꦏ꧀ꦱꦫꦗꦮ꧇꧑꧇ꦏꦁꦏꦒꦼꦭꦂꦲꦶꦁꦢꦌꦫꦃꦆꦱ꧀ꦠꦶꦩꦺꦮꦪꦺꦴꦒꦾꦏꦂꦠꦠꦁꦒꦭ꧀꧇꧒꧒꧇ꦔꦤ꧀ꦠꦶ꧇꧒꧖꧇ꦩꦉꦠ꧀꧇꧒꧐꧒꧑꧇ꦢꦸꦩꦢꦶꦱꦏꦥꦠꦁꦏꦸꦩꦶꦱꦶ꧉ꦱꦧꦼꦤ꧀ꦏꦸꦩꦶꦱꦶꦔꦱꦶꦭꦏꦺꦱꦮꦺꦤꦺꦃꦥꦸꦠꦸꦱꦤ꧀ꦏꦁꦮꦶꦒꦠꦶ꧉ꦏꦸꦩꦶꦱꦶ꧇꧑꧇ꦤꦼꦠꦼꦥꦏꦺꦥꦻꦴꦒꦼꦫꦃꦲꦭꦶꦃꦲꦏ꧀ꦱꦫꦗꦮꦩꦼꦚꦁꦲꦸꦫꦸꦥ꦳꧀ꦭꦠꦶꦤ꧀ꦏꦁꦢꦶꦲꦫꦤꦶꦗꦒꦱꦠ(ꦗꦮ꦳ꦤꦺꦱꦺꦒꦼꦤꦼꦫꦭ꧀ꦱ꧀ꦪ꧀ꦱ꧀ꦠꦼꦩ꧀ꦎꦥ꦳꧀ꦠꦿꦤ꧀ꦱ꧀ꦭꦶꦠꦺꦫꦠꦶꦪꦺꦴꦤ꧀)꧈ꦲꦭꦶꦃꦲꦏ꧀ꦱꦫꦗꦮꦩꦼꦚꦁꦥꦺꦒꦺꦴꦤ꧀ꦭꦤ꧀ꦥꦈꦗꦭ(ꦥꦼꦢꦺꦴꦩꦤ꧀ꦈꦩꦸꦩ꧀ꦗꦮꦭꦠꦶꦤ꧀)꧉ꦏꦸꦩꦶꦱꦶ꧇꧒꧇ꦤꦼꦠꦼꦥꦏꦺꦥꦻꦴꦒꦺꦫꦤ꧀ꦠꦠꦥꦤꦸꦭꦶꦱꦤ꧀ꦲꦏ꧀ꦱꦫꦗꦮꦏꦁꦢꦸꦩꦢꦶꦱꦏꦫꦺꦴꦁꦕꦫ꧈ꦪꦲꦶꦏꦸꦕꦫꦥꦿꦱꦗꦤ꧀(ꦱꦶꦩ꧀ꦥ꧀ꦭꦶꦥ꦳ꦶꦪꦺꦢ꧀)ꦭꦤ꧀ꦕꦫꦭꦮꦱꦤ꧀(ꦠꦿꦢꦶꦠꦶꦪꦺꦴꦤꦭ꧀)꧉[6][7]ꦏꦸꦩꦶꦱꦶ꧇꧓꧇ꦤꦼꦠꦼꦥꦏꦺꦥꦻꦴꦒꦺꦫꦤ꧀ꦠꦠꦭꦺꦴꦏꦥꦥꦤ꧀ꦠꦶꦏ꧀ꦲꦏ꧀ꦱꦫꦗꦮꦏꦁꦢꦶꦲꦫꦤꦶꦤꦠꦏ꧀ꦱꦫꦭꦤ꧀ꦕꦏꦿꦶꦏ꧀ꦲꦏ꧀ꦱꦫꦗꦮ꧉ꦮꦺꦴꦤ꧀ꦝꦺꦤꦼꦏꦸꦩꦶꦱꦶ꧇꧔꧇ꦔ꧀ꦒꦮꦺꦠꦶꦩ꧀ꦏꦁꦩ꧀ꦭꦶꦒꦶꦔꦮꦭ꧀ꦲꦱꦶꦭ꧀ꦥꦸꦠꦸꦱꦤꦶꦁꦏꦺꦴꦁꦒꦿꦺꦱ꧀ꦔꦤ꧀ꦠꦶꦠꦶꦠꦶꦮꦚ꧀ꦕꦶꦤꦶꦁꦢꦶꦮꦸꦗꦸꦢꦏꦺꦫꦺꦒꦸꦭꦱꦶ꧉ꦏꦗꦧꦆꦏꦸ꧈ꦏꦸꦩꦶꦱꦶ꧇꧔꧇ꦈꦒꦤꦼꦠꦼꦥꦏꦺꦥꦿꦤꦠꦤ꧀ꦏꦁꦒꦪꦸꦠ꧀ꦏꦭꦮꦤ꧀ꦧꦧꦒꦤ꧀ꦧꦶꦫꦺꦴꦏꦿꦱꦶ꧈ꦥꦸꦧ꧀ꦭꦶꦏ꧀ꦭꦤ꧀ꦄꦏꦢꦼꦩꦶꦏ꧀꧉[6]
ꦲꦸꦒꦢꦼꦊꦁꦔꦼꦤ꧀
besutꦫꦸꦗꦸꦏꦤ꧀
besut- ↑ Instituut, Java. Pusaka Jawi - 1926-05 (ing basa Jawa).
- ↑ "Kongres Aksara Jawa I Digelar, Bumikan Kembali Aksara Jawa - Berita | Portal Pemda DIY". jogjaprov.go.id (ing basa Indonesia). Diarsip saka sing asli ing 2021-04-13. Dibukak ing 2021-04-13.
- ↑ "Lama Mati Suri, Kongres Aksara Jawa Bakal Kembali Digelar di Yogya". merdeka.com (ing basa Inggris). 2021-03-20. Dibukak ing 2021-04-13.
- ↑ Kumisi Kasusastran ing Sriwedari (Surakarta) (1926). Wewaton Sriwedari. Weltevreden : Landsdrukkerij.
- ↑ ꦮ. ꦗ. ꦱ. ꦥꦸꦂꦮꦢꦂꦩꦶꦤ꧀ꦠ (1931). ꦱꦼꦫꦠ꧀ꦩꦂꦢꦶꦏꦮꦶ. Solo : Stoomdrukkerij De Bliksem.
- ↑ a b Andriadi, Rully (2021-03-31). "Siaran pers terkait keputusan Kongres Aksara Jawa I — Grand Mercure, 22-26 Maret 2021". Kedaulatan Rakyat. Lingkar Yogya. kc. 9.
- ↑ "Aksara Jawa Anjayeng Bawana" (PDF). Sempulur : kalawarti mbangun bangsa lumantar budaya. Nomer: 40/I-2021. Yogyakarta: Dinas Kebudayaan (Kundha Kabudayan) Daerah Istimewa Yogyakarta. 2021. kc. 13. OCLC 777758731.
...pinara wonten kalih pérangan, inggih punika cara lawasan (traditional), lan kanthi cara prasajan (simplified).