ꦠꦺꦥꦺꦴ
ꦗꦮ
|
ꦠꦺꦥꦺꦴ ꦪꦲꦶꦏꦸ ꦥꦔꦤ꧀ꦤꦤ꧀ ꦏꦱ꧀ ꦱꦏ ꦏꦧꦸꦥꦠꦺꦤ꧀ ꦔꦮꦶ, ꦗꦮ ꦮꦺꦠꦤ꧀ ꦲꦫꦸꦥ ꦱꦗꦶꦤꦶꦱ꧀ ꦏꦸꦥꦠ꧀ ꦠꦲꦸ ꦲꦤꦔꦶꦁ ꦩꦺꦩ꧀ꦥꦼꦂ ꦠꦲꦸ ꦒꦶꦩ꧀ꦧꦭ꧀. ꦲꦺꦴꦭꦃꦲꦤ꧀ ꦲꦶꦏꦶ ꦧꦲꦤ꧀ ꦣꦱꦂꦫꦺ ꦪꦲꦶꦏꦸ ꦠꦺꦥꦺꦴ, ꦠꦲꦸ, ꦠꦺꦩ꧀ꦥꦺ ꦱꦶꦁ ꦢꦶꦒꦺꦴꦫꦺꦁ ꦭꦤ꧀ ꦲꦤ ꦲꦸꦒ ꦱꦶꦁ ꦢꦶꦠꦩ꧀ꦧꦃꦲꦶ ꦲꦼꦤ꧀ꦝꦺꦴꦒ꧀ ꦢꦢꦂ. ꦠꦺꦥꦺꦴ ꦩꦺꦩ꧀ꦥꦼꦂ ꦏꦫꦺꦴ ꦭꦺꦴꦤ꧀ꦛꦺꦴꦁ ꦲꦤꦔꦶꦁ ꦧꦼꦤ꧀ꦠꦸꦏ꧀ꦏꦺ ꦧꦺꦢ ꦭꦤ꧀ ꦭꦸꦮꦶꦃ ꦊꦩ꧀ꦧꦸꦠ꧀ ꦫꦱꦤꦺ. ꦩꦼꦤꦮ ꦭꦺꦴꦤ꧀ꦛꦺꦴꦁ ꦲꦶꦏꦸ ꦮꦸꦗꦸꦢ꧀ꦢꦺ ꦭꦺꦴꦚ꧀ꦗꦺꦴꦂꦫꦤ꧀ ꦠꦧꦸꦁ ꦢꦮ, ꦲꦤꦔꦶꦁ ꦠꦺꦥꦺꦴ ꦮꦸꦗꦸꦢ꧀ꦢꦺ ꦥꦿꦶꦱ꧀ꦩ ꦱꦼꦒꦶ ꦥꦥꦠ꧀.[1] ꦠꦺꦥꦺꦴ ꦢꦶꦱꦗꦺꦏ꧀ꦏꦏꦺ ꦏꦫꦺꦴ ꦢꦸꦢꦸꦃ ꦏꦺꦕꦥ꧀ ꦱꦶꦁ ꦏꦼꦤ꧀ꦛꦼꦭ꧀. ꦲꦤꦔꦶꦁ ꦲꦶꦁ ꦠ꧀ꦭꦠꦃ ꦩꦒꦼꦠꦤ꧀, ꦢꦸꦢꦸꦃ ꦠꦺꦥꦺꦴ ꦭꦸꦮꦶꦃ ꦕꦸꦮꦺꦂ.[2] ꦢꦸꦢꦸꦃ ꦏꦺꦕꦥ꧀ ꦲꦶꦏꦶ ꦫꦱꦤꦺ ꦊꦒꦶ , ꦗꦸꦩ꧀ꦧꦸꦃ ꦏꦫꦺꦴ ꦫꦱ ꦠꦺꦥꦺꦴ ꦱꦶꦁ ꦒꦸꦫꦶꦃ. ꦧꦏꦸꦭ꧀ ꦠꦺꦥꦺꦴ ꦧꦶꦱ ꦢꦶꦠꦼꦩꦺꦴꦤꦶ ꦲꦶꦁ ꦥꦶꦁꦒꦶꦂ ꦢꦭꦤ꧀.[3] ꦠꦺꦥꦺꦴ ꦲꦸꦒ ꦢꦢꦶ ꦥꦔꦤ꧀ꦤꦤ꧀ ꦩꦼꦤꦮ ꦲꦤ ꦲꦢꦶꦕꦫ ꦏꦪ ꦠ ꦲꦫꦶꦱ꧀ꦱꦤ꧀ ꦏꦸꦭꦮꦂꦒ, ꦏꦸꦩ꧀ꦥꦸꦭ꧀ꦭꦤ꧀ ꦮꦂꦒ, ꦭꦤ꧀ ꦢꦶꦥꦔꦤ꧀ ꦧꦉꦁ ꦩꦶꦤꦁꦏ ꦩꦔꦤ꧀ ꦲꦮꦤ꧀ ꦤꦭꦶꦏ ꦩꦁꦱ ꦠꦤ꧀ꦢꦸꦂ ꦥꦫꦶ.
 ꦠꦺꦥꦺꦴ ꦢꦶꦮꦸꦁꦏꦸꦱ꧀ ꦒꦺꦴꦣꦺꦴꦁ ꦒꦼꦣꦁ | |
| Jeneng liyané | ꦠꦺꦥꦺꦴ ꦠꦲꦸ |
|---|---|
| Ajangan | ꦩꦔꦤ꧀ ꦲꦸꦠꦩ |
| Panggonan asal | ꦆꦤ꧀ꦝꦺꦴꦤꦺꦱꦾ |
| Tlatah utawa praja | ꦏꦧꦸꦥꦠꦺꦤ꧀ ꦔꦮꦶ, ꦏꦧꦸꦥꦠꦺꦤ꧀ ꦩꦒꦼꦠꦤ꧀ ꦭꦤ꧀ ꦱꦏꦶꦮ ꦠꦼꦔꦼꦤ꧀ꦤꦺ |
| Hawa ajangan | ꦲꦣꦼꦩ꧀ |
| Woworan pokok | ꦠꦲꦸ |
 Buku masakan: ꦠꦺꦥꦺꦴ  Médhia: ꦠꦺꦥꦺꦴ | |
ꦕꦫ ꦔ꧀ꦒꦮꦺ besut
ꦕꦫ ꦔ꧀ꦒꦮꦺ ꦠꦺꦥꦺꦴ ꦲꦶꦏꦶ ꦏꦒꦺꦴꦭꦺꦴꦁ ꦒꦩ꧀ꦥꦁ ꦪ ꦏꦸꦮꦶ:
ꦠꦺꦥꦺꦴ besut
ꦮꦺꦴꦮꦺꦴꦂꦫꦤ꧀ besut
ꦱꦩ꧀ꦧꦼꦭ꧀ besut
ꦔꦺꦴꦭꦃ besut
- ꦏꦸꦩ꧀ꦧꦃ ꦧꦼꦫꦱ꧀ ꦔꦤ꧀ꦠꦶ ꦉꦱꦶꦏ꧀
- ꦧꦼꦤ꧀ꦠꦸꦏ꧀ ꦒꦺꦴꦣꦺꦴꦁ ꦒꦼꦣꦁ ꦢꦢꦶ ꦥꦿꦶꦱ꧀ꦩ
- ꦲꦶꦱꦺꦏ꧀ꦏꦏꦺ ꦧꦼꦫꦱ꧀ ꦩꦼꦚꦁ ꦮꦣꦃ ꦒꦺꦴꦣꦺꦴꦁ ꦒꦼꦣꦁ
- ꦊꦩ꧀ꦥꦶꦠ꧀ ꦭꦤ꧀ ꦥꦱꦁꦔꦏꦺ ꦧꦶꦠꦶꦁ
- ꦕꦼꦩ꧀ꦥ꧀ꦭꦸꦁꦔꦏꦺ ꦲꦶꦁ ꦧꦚꦸ ꦲꦸꦩꦸꦧ꧀ ꦭꦤ꧀ ꦠꦸꦠꦸꦥ꧀.
- ꦲꦼꦤ꧀ꦠꦺꦤ꧀ꦤꦶ 2 ꦗꦩ꧀ ꦔꦤ꧀ꦠꦶ ꦧꦚꦸꦤꦺ ꦫꦢ ꦲꦱꦢ꧀ ꦱꦶꦤꦩ꧀ꦧꦶ ꦢꦶꦮꦺꦴꦭꦏ꧀-ꦮꦭꦶꦏ꧀.
- ꦱꦧꦸꦧꦂꦫꦺ ꦩꦠꦼꦁ, ꦲꦼꦤ꧀ꦠꦱ꧀ ꦭꦤ꧀ ꦢꦶꦲꦔꦶꦤ꧀-ꦲꦔꦶꦤ꧀ꦤꦏꦺ ꦱꦸꦥꦪ ꦲꦣꦼꦩ꧀.
- ꦫꦗꦁ ꦠꦺꦩ꧀ꦥꦺ ꦭꦤ꧀ ꦠꦲꦸ ꦢꦢꦶ ꦏꦺꦴꦛꦏ꧀-ꦏꦺꦴꦛꦏ꧀ ꦭꦤ꧀ ꦒꦺꦴꦫꦺꦁ ꦲꦶꦁ ꦊꦔ ꦥꦤꦱ꧀.
- ꦲꦼꦤ꧀ꦠꦱ꧀ ꦤꦭꦶꦏ ꦮꦶꦱ꧀ ꦩꦠꦼꦁ.
- ꦫꦗꦁ ꦏꦸꦧꦶꦱ꧀ ꦭꦤ꧀ ꦱ꧀ꦭꦺꦢꦿꦶ.
- ꦲꦸꦊꦒ꧀ ꦧꦲꦤ꧀ ꦱꦩ꧀ꦧꦼꦭ꧀ ꦲꦶꦁ ꦭꦺꦩ꧀ꦥꦺꦂ ꦔꦤ꧀ꦠꦶ ꦊꦩ꧀ꦧꦸꦠ꧀.
- ꦱꦧꦸꦧꦂꦫꦺ ꦊꦩ꧀ꦧꦸꦠ꧀, ꦢꦶꦒꦿꦸꦗꦸꦒ꧀ ꦊꦔ ꦥꦤꦱ꧀.
- ꦥꦶꦫꦶꦁ ꦢꦶꦩ꧀ꦭꦸꦩꦃꦲꦏꦺ ꦭꦤ꧀ ꦲꦶꦫꦶꦱ꧀-ꦲꦶꦫꦶꦱ꧀ ꦏꦸꦥꦠ꧀.
- ꦠꦩ꧀ꦧꦃꦲꦏꦺ ꦠꦲꦸ ꦭꦤ꧀ ꦠꦺꦩ꧀ꦥꦺ.
- ꦮꦺꦤꦺꦃꦲꦶ ꦏꦸꦧꦶꦱ꧀ ꦭꦤ꧀ ꦛꦺꦴꦏꦺꦴꦭ꧀ꦭꦤ꧀.
- ꦱꦸꦤ꧀ꦠꦏ꧀ ꦱꦩ꧀ꦧꦼꦭ꧀ ꦲꦶꦁ ꦣꦸꦮꦸꦂꦫꦺ.
- ꦏꦼꦥꦾꦸꦂꦫꦶ ꦱ꧀ꦭꦺꦢꦿꦶ ꦲꦶꦁ ꦣꦸꦮꦸꦂꦫꦺ.
- ꦠꦺꦥꦺꦴ ꦮꦶꦱ꧀ ꦧꦶꦱ ꦢꦶꦱꦗꦺꦏ꧀ꦏꦏꦺ ꦭꦤ꧀ ꦢꦶꦠꦩ꧀ꦧꦃꦲꦶ ꦏꦿꦸꦥꦥꦸꦏ꧀.[5]
ꦏꦥꦸꦱ꧀ꦠꦏꦤ꧀ besut
- ↑ abellacitra. "[COC ꦫꦺꦒꦶꦪꦺꦴꦤꦭ꧀: ꦩꦏꦤ꧀ꦤꦤ꧀ ꦠꦿꦣꦶꦱꦶꦪꦺꦴꦤꦭ꧀] ꦮꦗꦶꦧ꧀ ꦕꦺꦴꦧ, ꦠꦺꦥꦺꦴ ꦠꦲꦸ ꦊꦒꦺꦤ꧀ꦝꦫꦶꦱ꧀ ꦏꦱ꧀ ꦏꦺꦴꦠ ꦔꦮꦶ". KASKUS. Dibukak ing 2020-07-31.
- ↑ Prodjo, Wahyu Adityo (2018-06-22). "ꦠꦲꦸ ꦠꦺꦥꦺꦴ꧈ ꦏꦸꦭꦶꦤꦺꦂ ꦔꦮꦶ ꦧꦼꦂꦏꦸꦮꦃ ꦲꦱꦩ꧀ ꦥꦼꦣꦱ꧀ ꦩꦤꦶꦱ꧀ ꦮꦗꦶꦧ꧀ ꦕꦺꦴꦧ". Kompas. Dibukak ing 2020-04-09.
- ↑ "ꦠꦺꦥꦺꦴ ꦠꦲꦸ ꦩꦏꦤ꧀ꦤꦤ꧀ ꦠꦿꦣꦶꦱꦶꦪꦺꦴꦤꦭ꧀ ꦣꦫꦶ ꦔꦮꦶ꧈ ꦗꦮ ꦠꦶꦩꦸꦂ". Dibukak ing 2020-04-09.
- ↑ "ꦉꦱꦺꦥ꧀ ꦠꦺꦥꦺꦴ ꦏꦼꦕꦥ꧀꧈ ꦏꦸꦭꦶꦤꦺꦂ ꦏꦱ꧀ ꦔꦮꦶ ꦠꦼꦩ꧀ꦥꦠ꧀ ꦏꦼꦭꦲꦶꦂꦫꦤ꧀ ꦩꦼꦤ꧀ꦝꦶꦪꦁ ꦢꦶꦢꦶ ꦏꦼꦩ꧀ꦥꦺꦴꦠ꧀". suara.com (ing basa Indonesia). 2020-05-05. Dibukak ing 2020-07-31.
- ↑ Kamis; Mei 2020, 07 Mei 2020 13:57 WIB 07; Wib, 13:57 (2020-05-07). "ꦠꦺꦥꦺꦴ ꦏꦺꦕꦥ꧀ ꦏꦱ꧀ ꦔꦮꦶ꧈ ꦕꦺꦴꦕꦺꦴꦏ꧀ ꦲꦸꦤ꧀ꦠꦸꦏ꧀ ꦱꦤ꧀ꦠꦥ꧀ꦥꦤ꧀ ꦩꦭꦩ꧀ ꦲꦫꦶ". indozone.id (ing basa Indonesia). Diarsip saka sing asli ing 2022-02-14. Dibukak ing 2020-07-31.
{{cite web}}: CS1 maint: numeric names: authors list (link)