Wikipédia

Alfred Russel Wallace

Alfred Russel Wallace O.M., F.R.S. (miyos 8 Januari 1823 - tilar donya 7 Novembér 1913 ing yuswa 90 warsa) misuwur minangka satunggalipun naturalis, panjelajah, pangumbara, wasis ing bab antropologi lan biologi saking nagari Karajan Manunggal.[1] Panjenenganipun misuwur minangka tiyang ingkang ngusulaken satunggalipun téyori bab seléksi alam, ingkang ing salajengipun damel Charles Darwin langkung misuwur tinimbang Wallace, kamangka téyori kasebat sajatosipun kagunganipun Wallace.[2]

Alfred Russel Wallace
Alfred Russel Wallace
Alfred Russel Wallace
Lair (1823-01-08)8 Januari 1823
Usk, Monmouthshire, Wales
Tilar donya7 Novèmber 1913(1913-11-07) (umur 90)
Broadstone, Dorset, Inggris
Bidangpenjelajahan, biologi, biogeografi, reformasi sosial, botani
Dikenal ataskaryané sajeroning pamilihan alam lan biogeografi
PenghargaanRoyal Society's Royal Medal (1868)
Copley Medal (1908)
Order of Merit (1908)

Wallace sampun kathah ngawontenaken panalitèn.[2] Ingkang sapisan, panjenenganipun ngawontenaken panaliten ing lépèn Amazon ing warsa 1846 nalika yuswanipun nembé 23 warsa.[2] Salajengipun Wallace ngawontenaken panaliten ing Kapuloan Nuswantara.[2] Ing antawisipun warsa 1848 ngantos dumugi 1854, Wallace dugi ing Singapura.[2] Sadangunipun wolung warsa salajengipun (1854-1862, panjenenganipun njelajah manéka wewengkon ing Nuswantara.[1] Saking panjelajahan punika, panjenenganipun damel buku ingkang sesirahipun The Malay Archipelago.[2] Sadangunipun ngawontenaken ékspédhisi ing Nuswantara, kinten-kinten Wallace sampun nempuh jarak 22.500 kilométer, ngawontenaken 60 utawi 70 panjelajahan, lan ngempalaken 125.660 spésimèn fauna ingkang kapérang saking 8.050 spésimèn peksi, 7.500 spésimèn walulang utawi balung manéka warni kéwan, 310 spésimèn mamalia, sarta 100 spésimèn réptil, lan 109.700 spésimèn gegremet, kalebet kupu-kupu ingkang dados karemenanipun Wallace.[2]

Sumangga dipunpirsani

besut

Évolusi

Pranala njawi

besut

Cathetan suku

besut
  1. ↑ a b Jejak Pengembaraan Wallace dipunundhuh tanggal 25 Agustus 2011)
  2. ↑ a b c d e f g [kalawarta National Geographic Indonesia, terbitan Dhésèmber 2008 kaca 35]
Wikimedia Commons duwé médhia ngenani Alfred Russel Wallace.
Wikicuplik duwé cuplikan ngenani: Alfred Russel Wallace


Dijupuk saka "https://jv.wikipedia.org/w/index.php?title=Alfred_Russel_Wallace&oldid=1633771"