Ali Wardhana
Prof. Dr. Ali Wardhana (lair ing Sala, Jawa Tengah, 6 Mèi 1928; umur 96 taun) inggih punika tilas dhékan Fakultas Ékonomi Universitas Indonésia lan ugi nimpuna parékonomian Indonésia ingkang misuwur lan pinitados kanggé nyepeng kalungguhan wigati ing papréntahan.[1][2] Panjenenganipun naté njabat dados Mantri Kauangan Républik Indonésia ngantos gangsal welas taun dangunipun, inggih punika ing antawisipun taun 1968-1983.[1] Salajengipun njabat dados Mantri Ékonomi, indhustri lan Pengawasan Pembangunan, ngantos gangsal taun dangunipun, inggih punika ing taun 1983-1988.[1] Minangka dhékan FEUI panjenenganipun njabat ngantos sedasa taun dangunipun, inggih punika taun 1967-1978.[1] Nalika wulan September 1971 panjenenganipun kapilih minangka pangarsanipun Board of Governors Bank Donya lan Dana Moneter Internasional kanggé periodhé 1971/1972.[1][2]
| Ali Wardhana | |
|---|---|
 | |
| Mantri Koordinator Babagan Parékonomian Républik Indonésia 2 | |
| Linggih 19 Maret 1983 – 23 Maret 1988 | |
| Présidhèn | Soeharto |
| Kang sadurungé | Hamengkubuwono IX |
| Kang sawisé | Radius Prawiro |
| Mantri Kauangan Républik Indonésia 15 | |
| Linggih 6 Juni 1968 – 19 Maret 1983 | |
| Présidhèn | Soeharto |
| Kang sadurungé | Frans Séda |
| Kang sawisé | Radius Prawiro |
| Rerincèn dhiri | |
| Lair | Mèi 6, 1928 Sala, Jawa Tengah, Hindia Nèderlan |
Ali Wardhana pikantuk gelar sarjana saking Fakultas Ékonomi Universitas Indonésia (1958).[1] Salajengipun, nglajengaken studinipun dhateng Universitas California ing Berkeley Amérikah Sarékat lan pikantuk gelar Master of Arts ing taun 1961.[1] Nalika taun 1962, panjenenganipun kasil pikantuk gelar Ph.D saking Universitas California kanthi dhisertasi ingkang irah-irahanipun “Monetary Policy in an Underdeveloped Economy: with Special Reference to Indonésia”.[1]
Pranala njawi
besutAli Wardhana Archived 2014-02-05 at the Wayback Machine.
Cathetan uku
besut- ↑ a b c d e f g h Prof. Dr. Ali Wardhana dipunundhuh tanggal 1 Oktober 2011)
- ↑ a b Ali Wardhana Archived 2014-02-05 at the Wayback Machine. dipunundhuh tanggal 1 Oktober 2011)
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |