Amara
Amara duwé jeneng dawa Tuwuhadijatitesih Amaranggana (lair ing Jakarta 8 Juli 1975; umur 49 taun).[1] Amara iku salah siji pemain sinétron lan penyanyi Indonésia.[2] Amara uga ana kang ngundang kanthi jeneng Amara Lingua.[2] Iki amarga Amara iku salah siji personèl grup vokal trio Lingua bareng karo Frans Mohede kang dadi bojoné lan Arie Widiawan.[2] Trio iki ditepungi lan tau nggawé hits kaya ta "Bila Kuingat", "Jangan Kau Henti", "Tak'kan Habis Cintaku", "Aku", "Bintang".[2] Grup vokal iki diwangun karo Yovie Widianto.[2] Nanging wiwit taun 1996, grup musik iki banjur vakum.[2]
| Amara | |
|---|---|
 | |
| Latar wuri | |
| Jeneng lair | Tuwuhadijatitesih Amaranggana |
| Jeneng liya | Amara Lingua/Mara |
| Lair | Juli 8, 1975 Jakarta, Indonésia
|
| Pakaryan | aktris, penyanyi |
| Taun aktif | 1996-saiki |
| Hubungan | |
| Pasangan | Frans Mohede |
| Anak | 3 |
Amara banjur miwiti karir ing donyaning hiburan nalika dadi jawara 3 covergirl kalawarti Mode taun 1989.[2] Sawisé iku Amara banjur akting ing filem lan sinétron.[2] Sinétron kang tau dibintangi Amara kaya ta Cinta Tak Pernah Salah, Cintaku Di Rumah Susun, Ketika Cinta Berbunga. Lumantar aktingé ing sinétron iki jenengé sangsaya misuwur.[2]
Amara nikah karo wong lanang kang jenengé Frans Mohede nalika tanggal 1 Dhésèmber 1999 ing Hongkong.[2] Frans Mohede uga personèl Lingua.[2] Saka bebrayanan iki, Amara nduwé anak kang cacahé telung ya iku Mahija Nathaniel Sambarana Aryantawira, Janitra Nathaniel Sambawikrama lan Rajaswa Nathaniel Mohede.[2] Nanging pernikahan iki ora direstui ibuné Amara.[2] Ibuné Amara ora ngrestui amarga Amara lan Frans Mohede iku ngugemi agama kang béda.[2]
Cathetan sikil
besut
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |