Andi Rianto
Andi Rianto ya iku musisi lan komposer saka Indonésia kang uga dadi pimpinan Magenta Orchestra, dhèwèké wis kalibet ing ilustrasi musik filem lan panggarapan album kanggo artis-artis kondhang ing Indonésia.[1] Dhèwèké iku lulusan Berklee College of Music, wis nggarap ilustrasi-ilustrasi musik kanggo filem uga dadi arranger, kaya ta kanggo filem kang judhulé Ca-Bau-Kan, dirilis nalika taun 2002, Titik Hitam, dirilis nalika taun 2002, Biarkan Bintang Menari, filem kang dirilis nalika taun 2003, Arisan! dirilis nalika taun 2003, 30 Hari Mencari Cinta dirilis nalika taun 2004, filem Mengejar Matahari dirilis nalika taun 2004, Vina Bilang Cinta dirilis nalika taun 2005, 9 Naga 2006, Jatuh Cinta Lagi 2006, Mendadak Dangdut 2006, Kuntilanak 2006, Pesan Dari Surga 2006, Pocong 2 2006, Kangen 2007, Pocong 3 2007, lan filem kang judhulé Kuntilanak 2 sing dirilis nalika taun 2007.[1]
Andi tau lumebu nganti kaping pidho dadi nominator Pranata Musik Paling Apik ing Fèstival Film Indonésia (FFI), ya iku kanggo filem kang judhulé Mendadak Dangdut (FFI nalika taun 2006) lan kanggo filem kang judhulé Mengejar Mas-Mas (FFI nalika taun 2007).[1]
Ora mung nggarap musik kanggo filem, Andi uga dadi pranata musik utawa nggawé tembangan kanggo para penyanyi liyané, kaya ta kanggo album kang dirilis nalika taun 2001 judhulé Basa Langit duwèkané Ebiet G. Ade (Andi nggarap tembangan kang judhulé Ingin Kupetik Bintang Kejora, Basa Matahari, lan Nyanyian Getir Tanah Air), kanggo album kang dirilis nalika taun 2000, judhulé Perempuan duwèkané Rita Effendy, album ing taun 1999 kang judhulé Basa Kalbu duwèkané Titi DJ, sarta album Agnes Monica, judhulé Whaddup A.. '?! dirilis nalika taun 2005.[1]
Bebarengan karo Magenta Orchestra, Andi nindakaké konsèr gedhé tajuké Magenta Moviechestra nalika tanggal 14 Mèi 2008.[1] Konsèr iki muter pethikan filem, scoring, lan soundtrack kang kapilih saka filem-filem fénoménal nalika jamanné biyèn, wiwit saka éra filem kang diparagakaké déning Tiga Dara lan filem-filem Benyamin Sueb, Warkop DKI, nganti filem-filem paling laris ing taun 2000-an, kang dipamèraké kanthi cara orkèstra.[1]
Ing sasi Juli 2011, tembangan kang diriptakaké déning Andi Rianto nggawé Agnes Monica olèh bebungah ing nominasi artis pop solo wanita paling apik.[2] Agnes dadi pamenangé amarga tetembangan kang judhulé Karena Ku Sanggup, tetembangan kang diripta déning Andi Rianto.[2]
Cathetan sikil
besut- ↑ a b c d e f biografi Andi Rianto diundhuh tanggal 5 September 2011
- ↑ a b berita Andi Rianto diundhuh tanggal 5 September 2011
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |