Warung kucing
Warung Kucing iki warung kang akrab tumrapé masyarakat Joglosemar (Jogja, Sala, Semarang) mligi masarakat cilik.[1] Ing Semarang warung iki dijenengi Warung Kucingan, ing Jogja dijenengi Angkringan, lan ing Sala dijenengi Hik. Warung iki awujud warung cilik nganggo lampu temaram. Lumrahé kanggo kumpul-kumpul lan menu andalané ya iku sega kucing. Sega kucing iku sega sekepel lan lawuhé uga sithik. Lawuh sega kucing iku manéka warna kaya ta, sambel teri, pindang, ayam, lan liya-liyané.
Sajarah Warung Kucing
besutTahun 1990-an ana gagasan saka salah sawijining wong arep dagang bengi nganggo gerobak, cérét, téko, kompor, lan gelas[1] Biyèn usaha iki mung ana ing pasar-pasar lan paling akèh ing kawasan pasar Johar Semarang lan dagangané mung awujud wédangan lan goréngan. Saya suwé dagangané tambah karo sega kucing, sega sakepel, teri, sambel lan dibungkus nganggo koran kaya mènèhi mangan kucing. Tahun 1998 usaha kaya mangkené wiwit ngrembaka metu saka pasar Johar kang tujuwané nglayani wong-wong kang ngontrak utawa ngekos. Segané uga wis mundak dadi ana sega rempela lan sega dadar [2]. Taun 2000 dagangan ditambah karo mie kanggo njagani yèn segané wis entek lan pungkasané taun 2002 usaha kaya mangkené gampang tinemu ing kutha Semarang. Ana sawijining carita yèn warung kaya mangkené dibukak ing kiwa-tengené kampus kang konsumen tetepe bocah-bocah kos. Usaha iki digawé panggon kanggo tongkrong, golèk inspirasi, lan cocok kanggo wong kang insomnia[3]. Intiné kenapa kok dijenengi warung kucingan? iku ora sengaja saka pacelathon-pacelathon wong.
Angkringan
besutTembung angkringan dijupuk saka istilah nangkring utawa nongkrong. Angkringan padha karo kucingan, mung kang nyebut angkringan racaké iku masarakat kutha Jogja.[4].Panganan kang di dol uga mirib karo kucingan kaya ta sega kucing, gorengan, sate usus (ayam), sate ndog puyuh, lan sakpiturute.[4]
Hik
besutTembung HIK kajupuk saka cekakan Hidangan Istimewa Kampung. Padha karo angkringan lan kucingan, warung iki menu andalané uga sega kucing lan wedangan.[1]
Cathetan suku
besut- ↑ a b c "Romantisme Warung HIK". Diarsip saka sing asli ing 2012-01-22. Dibukak ing 2011-04-03.
- ↑ "Pasar Johar". Diarsip saka sing asli ing 2011-09-02. Dibukak ing 2011-04-03.
- ↑ "Situs UGM". Diarsip saka sing asli ing 2011-07-14. Dibukak ing 2011-04-03.
- ↑ a b "AYO KE YOGYAKARTA - Info Wisata Jogja/Jogjakarta Terbaik". www.yogyes.com (ing basa Indonesia). Dibukak ing 2019-07-24.