Ayah, Mengapa Aku Berbeda?

Ayah, Mengapa Aku Berbeda? inggih punika filem drama Indonesia ingkang dipunrilis wonten ing taun 17 November 2011 ingkang dipunsutradarani Findo Purwono Hw sarta dipunparagani Surya Saputra, Rima Melati, Indra Sinaga, Fendy Chow, Rafi Cinoun, Kiki Azhari, Rheina Mariyanasaha saha Dinda Hauw.

Ayah, Mengapa Aku Berbeda?
poster filem
Disutradarani	Findo Purwono Hw
Diprodhuseri	Gope T. Samtani
Ditulis déning	Djaumil Aurora Titien Wattimena
Dibintangi	Surya Saputra Dinda Hauw Rima Melati Indra Sinaga Fendy Chow Rafi Cinoun Kiki Azhari Rheina Mariyana
Dibabar déning	Rapi Films
Tanggal metu	17 November 2011
Suwéné	90 menit
Nagara	Indonésia

Ayah Mengapa Aku Berbeda inggih punika cariyos ingkang dipunpundhut saking novèl saha cariyos online karya Agnes Davonar ingkang sampun dipunwaos déning 2 yuta pamaos online.

Sinopsis

Gadhis remaja ingkang ayu nanging boten saged mirengaken utawa tuna rungu punika namanipun Angel, gadhis ingkang boten naté nyerah kanggé mbuktikaken manawi piyambakipun miyos ing donya kanthi gadhah ancas ingkang sampun dipunparingi déning gusti. Piyambakipun langkung usaha mujudaken gegayuhanipun kanggé mbahagéyakaken ramanipun sasampunipun dipuntilar déning ibu rikala mbabar piyambakipun.

Wiwitan, Angel kedah usaha kanggé gladhen basa tangan ingkang uga dipunkuwaosi rama sarta éyangipun kanthi éwed. Sasampunipun éyang pejah, Angel namung gadhah rama minangka rnécang wicantenanipun. Amargi wasis sarta gadhah kaprigelan ingkang boten limrah ing anak yuswa piyambakipun, dwija-dwija ing sekolah luwar biyasa punika nyaranaken supados Angel pindhah ing sekolah umum. Ramanipun mutusaken pindhah dhateng kutha ageng saéngga samangke Angel saged tumbuh ing lingkungan ingkang langkung tarbuka. Ingkang sapindha, Angel ngalami panolakan saking sekolah pindhahan, nanging wonten sekolah ingkang kersa nampi Angel minangka siswa. Donya éwah rikala piyambakipun kedah sosiyalisasi saha gesang bebrayan kaliyan tiyang normal limrahipun ing sekolah. Angel boten dipuntampi ing sebagaén réncang-réncangipun amargi dipunanggep cacat, piyambakipun namung gadhah satunggal réncang inggih punika Hendra.

Sapunika, Angel ningali kalompok musik sekolahanipun saha nawakaken piyambakipun minangka anggota kalompuk musik, Angel dipuntolak. Piyambakipun muwun ing pinggir ramanipun ingkang maringi pirsa manawi piyambakipun miyos saking garba ibu ingkang pakaryanipun minangka pianis. Ramanipun panggulawentah Angel piano saha kabukti manawi Angel saged dolanan piano kanthi panghayatan, ngantos piyambakipun mlebet ing kalompok musik sekolahanipun, nanging boten dipuntampi déning kalompok ingkang pamarsanipun Agnes Angel péngin medal. Ing dinten punika ramanipun Angel gerah. Sumber asilan padintenan saking usaha toko roti kulawarga boten saged njangkepi kabetahan kulawarga kados ta pangobatan, Angel lajeng usaha mbiyantu kaanan kaluwarganipun kanthi dados pianis ing cafe, ing papan pakaryan piyambakipun nggandheng katresnan kaliyan Ferly, minangka salah satunggal pelayan cafe. Angel lajeng mundhut kaputusan kanggé medal saking kalompok musik mau. Kaputusan Angel medal saking kalompok musik ndadosaken piyambakipun bingung amargi ningali kaanan ramanipun ingkang saweg gerah uga péngin sanget ningali putrinipun tampil ing adicara sekolah. Kaputusan Angel kanggé wangsul ing kalompok musik wau ndamel Agnes gela saha nyiksa piyambakipun kanthi tatu ingkang parah. Angel boten nyerah saha asil tampil ing panggung kanthi pacakan kados déné badhut.

Ingkang maragani

• Angel-Dinda Hauw
• Rama Angel-Surya Saputra
• Éyang Angel-Rima Melati

Pranala njaba

• Ulasan di Cineplex