Azahari Husin

Dhoktor Azahari bin Husin (lair ing Melaka, 14 Sèptèmber 1957 – pati ing Batu, 9 Novèmber 2005 ing umur 48 taun) iku insinyur Malaysia kang dinuga minangka utek Bom Bali 2002 lan Bom Bali 2005 sarta serangan-serangan liyané kang diayahi déning Jemaah Islamiyah. Bebarengan karo Noordin M Top, Azahari iku salah siji buronan ing Indonesia lan Malaysia. Azahari manggon ing Australia sajeroning patang taun wiwit taun 1975, ngrampungaké pendhidhikan menengah ing Norwood High School, banjur nerusaké ing Universitas Adelaide, nyinaoni teknik mesin, nanging durung lulus lan sabanjuré ing Universitas Teknologi Malaysia ing Johor, Malaysia. Sawisé olèh gelar Ph.D. saka Universitas Reading ing Inggris ing babagan valuasi properti (property valuation), Azahari banjur mulang ing Universitas Teknologi Malaysia.

Barkas:Azahari.jpg

Foto Azahari yang dikeluarkan Kapulisèn Karajan Malaysia.

Ing tanggal 9 November 2005, dilapuraké yèn Azahari tiwas njeblugaké awaké dhéwé ing sawijining panyergapan kang ditindakaké golongan Detasemen Khusus 88 ing Kutha Batu amarga péngin oncat saka pulisi. Koran The Star ing Malaysia nyebut yèn Azahari tansah nganggo bom ing sakojuring awak saperlu jaga-jaga yèn bakal kecekel. Nanging miturut versi Polri, Azahari mati katembak anggota kapulisèn, ora njeblugaké awaké dhéwé. Pulisi banjur mesthèkaké identifikasi Azahari sawisé dicocogaké karo sidik driji saka Kapulisèn Indonesia lan Kapulisèn Karajan Malaysia.

Uga delengen

• Al-Ma'unah
• Adam Salih
• Amein Mohamed
• Amrozi bin Nurhasyim
• Asmar Latin Sani
• Hemeid H. Algamdi
• Mehdat Abdul Salam Shabana
• Mohammed Jamal Khalifa
• Noordin M Top
• Omar Abu Omar
• Ramzi Yousef

Pranala njaba

• "Berakhirnya Pelarian "The Demolition Man"?", KOMPAS, 10 November 2005
• "Bali mastermind killed in shoot-out", The Age, 10 November 2005
• "Luck runs out for bomb mastermind", The Age, 10 November 2005