Batara Lubis

Batara Lubis (wiyos wonten ing Hutagodang, Mandailing Julu, Tapanuli Kidul, 2 Fèbruari 1927 - séda 1 Dhésèmber 1986 kanthi yuswa 59 taun)^[1] punika satunggaling pelukis saking Indonésia. Statusipun minangka keturunan saking Radja-Radja Hutanagodang Mandailing Julu paring prabawa dhateng gaya lukisanipun kanthi warna-warna ingkang kontras lan unik ing jamanipun. Kathah karyanipun ingkang nggambaraken pagesangan ing désa lan kagiyatan para warganipun. Batara Lubis punika putra saking Radja Djunjungan Lubis saha prunan (keponakan) jaler saking Basjrah Lubis. Batara Lubis ijrah saking Medan lajeng netep wonten ing Yogyakarta dumugi sédanipun. Nalika ing Yogyakarta, Batara Lubis ngangsu kawruh wonten ing Akademi Seni Rupa Indonésia^[2] lan celak kalhan tokoh=tokoh ing seni lukis kados ta Affandi, Soedarso, lan Hendra Gunawan.

Karir

Batara Lubis, putra angka kalih Raja Junjungan Lubis, mantan Gubernur Sumatra Utara kala punika ugi satunggaling pelukis ingkang naé maguru dhateng Wakidi, salah satunggaling pelukis naturalis kapisan ingkang kondhang ing Sumatra Barat. Ing wiwitan taun 1950, Batara Lubis dhateng Yogyakarta kanggé sinau ing ASRI (1952). Kajawi punika Batara Lubis ugi naté sinau dhateng Affandi, Hendra Gunawan, Sudarso, lan Trubus. Batara Lubis ugi kawéntar minangka salah satunggaling pelukis angkatan Sanggar Pelukis Rakyat, ingkang nalika taun 1960 sesarengan kaliyan Hendra Gunawan, Trubus, ugi seniman enèm sanèsipun damel monumèn Tugu Muda Semarang ^[1].

Ing taun 1956, Batara Lubis ngawontenaken paméran lukisan tunggalipun ingkang kapisan wonten ing Balai Budaya lajeng ngawontenaken paméran malih ing Yogyakarta, Medan, lan Jakarta. Paméran ingkang sesarengan punika antawisipun:

Paméran Konferensi Bandung kanggé Asia - Afrika (1955),
Paméran Karya Pelukis Muda Asia ing Tokyo, Jepang,
Paméran Keliling seni lukis Indonésia ing Chekoslovakia, Ostenrik, lan Berlin, Jerman ^[1].
Paméran Bienalle Seni Lukis Indonésia ing TIM antawisipun taun 1971 dumugi taun 1980-an.

Karya Batara Lubis

Corak Dekoratid lukisan-lukisan Batara Lubis ing wiwitanipun merepresentasikan objek-objek pérangan lingkungan ing Yogyakarta. Tuladhanipun Gerobak Yogya (1958) ingkang dipunkolèksi déning Présidhèn Kapisan Indonésia, Ir. Soekarno. Lajeng pindhah dhateng motif-motif ingkang sansaya celak ing tanah adat lan leluhuripun, kados ta lukisan Perkawinan Adat Batak (1972). Nanging pengamatan lan pelukisanipun tetep. Corak dekoratifipun boten naté ical saking gambaran langsung babagan pagesangan masarakat. Claire Holt wonten ing bukunipun Art in Indonésia: Continues and Changes (Cornell University), nyantumaken peranan Batara Lubis wonten ing pangembangan seni lukis modern Indonésia saking génerasi kaping kalih^[1].

Ugi pirsani

Pratélan Seniman Indonésia

Cathetan suku

↑ ^a ^b ^c ^d [1]^{[pranala mati permanèn]} (id) Tokoh Batara Lubis (dipun-akses tanggal 14 Januari 2013)
↑ [2]^{[pranala mati permanèn]} (id) Koleksi tentang Akademi Seni Rupa Indonésia (ASRI) (dipun-akses tanggal 14 Januari 2013)

[batara1-1] [1]^{[pranala mati permanèn]} (id) Tokoh Batara Lubis (dipun-akses tanggal 14 Januari 2013)

[batara2-2] [2]^{[pranala mati permanèn]} (id) Koleksi tentang Akademi Seni Rupa Indonésia (ASRI) (dipun-akses tanggal 14 Januari 2013)

[1]

[2]