Beksan Pendet
Beksan Pendet ya iku jogèd saka Bali. Jogèd Pendet asal mulane ya iku jogèd pemujaan kang akèh dilakokake ing pura, panggonan ngibadah umat Hindhu ing Bali, Indonesia.[1] Jogèd iki nglambangake mudune déwa-déwa ing donya.[1] Pangripta utawa koreografer wujud modhèren jogèd iki ya iku I Wayan Rindi (?-1967).[1]
Pendet ya iku kalebu jogèd kang kanggo pamuja utawa kalebu jogèd upacara.[1] Jogèd pendet bisa ditarikake déning kabèh wong, amarga jogèd iki gampang disinau lan ora perlu latihan kang intensif.[1]
Jogèd iki diajarake namung ngetutke obahing awak.[1] Para wanita kang isih nom-nom padha ngetutake obahan jogèd pendet saka wanita kang wis bisa nari pendet.[1]
Jogèd kang dilakokake déning para wanita iki duwé pola obahan kang luwih luwes dibandingke karo Jogèd Rejang kang dilakokake berkelompok utawa pasangan.[2] Biasane jogèd pendet ditarikake sawisé Jogèd Rejang ing ngarep pura lan racaké ngadep ing arah suci (pelinggih) nganggo pakaian upacara lan para penari karo gawa sangku, kendhi, cawan, lan kalengkapan sesajen liyané.[2]
Jogèd pendet dadi sorotan médhia Indonesia amarga jogèd pendet kang asalé saka inodesia iku muncul ana ing program télévisi Enigmatic Malaysia Discovery Channel.[2] Miturut pamaréntah Malaysia, dhèwèké ora tanggung jawab karo iklan iku amarga iklan iku digawé déning Discovery Channel Singapura.[2]
Cathetan suku
besut| Wikimedia Commons duwé médhia ngenani Pendet. |
- ↑ a b c d e f g Tari Pendet Archived 2011-11-28 at the Wayback Machine. (Dipuntingali tanggal 9 Juli 2011)
- ↑ a b c d Lestarikan Kebudayaan Tari Pendet Archived 2011-09-01 at the Wayback Machine. (Dipuntingali tanggal 9 Juli 2011)