Bilal bin Rabah
Bilal bin Rabah (Basa Arab بلال بن رباح) inggih punika batur tukon ingkang gadhah kulit cemeng saking Habsyah (sapunika Ethiopia) ingkang mlebet Islam rikala taksih dados batur tukon. Sasampunipun majikan Bilal mangertosi manawi piyambakipun sampun mlebet Islam, Bilal asring dipunsiksa, supados nilaraken Islam, nanging Bilal boten purun ngicalaken kaislamanipun sesarengan ngendika "Ahadun Ahad, Ahadun Ahad...".[1]
Biografi
besutBilal miyos saking tlatah as-Sarah sakitar 43 taun sadéréngipun ijrah, asma Ramanipun Rabah, asma ibunipun Hamamah, batur tukon éstri ingkang gadhah kulit cemeng saking Mekah, amargi ibunipun Bilal dipunwastani ibnus-Sauda’ (putra wanita cemeng).[2] Bilal ageng wonten ing kutha Ummul Qura (Mekah) minangka batur tukon kulawarga bani Abduddar. Rikala ramanipun pejah, Bilal dipunwarisaken dhumateng Umayyah bin Khalaf, minangka tokoh wigati kaum kafir. Bilal kalebu tiyang ingkang sapindha mlebet Islam, ingkang sadéréngipun sampun dipunwiwiti déning Ummul Mu’minin Khadijah binti Khuwailid, Abu Bakar ash-Shiddiq,Ali bin Abu Thalib, ‘Ammar bin Yasir sesarengan ibunipun, Sumayyah, Shuhaib ar-Rumi, saha al-Miqdad bin al-Aswad. Kaum Kurès langkung asring nyiksa Bilal amargi sampun ndhérèk piwulang Muhammad, para batur tukon dipunsiksa kaum Kurès ingkang boten gadhah raos welas asih kados ta Abu jahal ingkang sampun mejahaken Sumayyah kanthi cara nunclepaken Tombak ing padharan ngantos pamidhanganipun Sumayyah. Wondéné sadhérèk sanèsipun Sumayyah, kados ta Bilal terus dipunsiksa déning kaum Kurès, limrahipun rikala srengéngé tepat ing inggilipun panengeran, tiyang kafir miwiti mbikak agemanipun batur tukon Islam ingkang katindhas punika, saha nggantos ageman punika kanthi nganggé ageman saking bahan wesi sesarengan nyambuk sariranipun kanthi ngenyèk Muhammad.[2] Tiyang Kurès ingkang asring nyiksa Bilal inggih punika Umayyah bin Khalaf sesarengan kaliyan para algojonipun kang nindihi jaja Bilal nganggé séla kang bentér, nanging Bilal terus ngendika “Ahad, Ahad … (Allah Maha Esa).” [2] Umayyah bin Khalaf sesarengan kaliyan para algojonipun nyuwun supados Bilal nyebat asma Latta dan ‘Uzza nanging Bilal tetep nyebat asma Allah saha Muhammad.[2] Sapunika, Abu Bakar Rodhiallahu ‘anhu nyuwun dhumateng Umayyah bin Khalaf supados Bilal dipunsadé kanggé piyambakipun, Umayyah bin Khalaf sarujuk nanging kanthi regi ingkang sanget awis, Ingkag pungkasan, Bilal dipunmardikakaken déning Abu bakar saha dados sahabat setya Rasulullah.[1]
Cathetan suku
besut- ↑ a b (ing basa Arab)Perjuangan Bilal bin Rabah Archived 2012-12-27 at the Wayback Machine. (dipununduh 15 Novèmber 2012)
- ↑ a b c d Bilal bin Rabah[pranala mati permanèn] (dipununduh 15 Novèmber 2012)
Pranala njaba
besutCithakan:Pemeluk Islam kapisan
| Artikel iki minangka artikel rintisan. Kowé bisa ngéwangi Wikipédia ngembangaké. |