Weteng

Abdomen iku istilah kang dipigunakaké kanggo nyebut péranganing badan kang ana ing antarané thorax utawa dhadha lan pelvis ing kéwan mamalia lan vèrtebrata liyané. Ing arthropoda, abdomen iku pérangan paling posterior badan, kang ana samburiné thorax utawa cephalothorax (sefalotoraks).. Ing basa Indonésia umum, asring uga ingaran mawa perut lan ing basa Jawa weteng utawa padharan (krama). Pérangan kang ditutupi déning abdomen ingaran cavitas abdominalis utawa gronggongan weteng.

Weteng (Abdomen)
Weteng lan organ manungsa sing bisa ditemokake ing njerone
Rincian
Actions	Gerakan lan dhukungan kanggo awak Bantuan karo ambegan Perlindhungan kanggo organ internal
Pengenal
Latin	Abdomen
MeSH	D000005
TA98
TA2	127
FMA	9577
Terminologi anatomi

Pambandhingan abdomèn manungsa lan semut.

Vertebrata

Ing vèrtebrata, abdomen iku s gronggongan gedhé kang dililingkupi déning otot-otot weteng ing pérangan ventral lan lateral, sarta anané kolumna spinalis ing sisih dorsal. Pérangan ndhuwur abdomen wewatesan karo balung iga utawa costae. Cavitas abdomninalis wewatesan karo cavitas thorax utawa gronggongan dhadha nganggo otot diafragma lan sisih ngisor karo cavitas pelvis utawa gronggongan panggul.

Antara cavitas abdominalis lan cavitas pelvis diwatesi nganggo membran serosa kang kaloka minangka peritoneum parietalis. Membran iki uga mbungkus organ kang ana ing weteng lan dadi peritoneum visceralis.

Ing vèrtebrata, sajeroning weteng ana warna-warna sistem organ, kaya déné sapérangan gedhé organ sistem pencernaan, sistem perkemihan. Ing ngisor iki organ kang bisaapat tinemu sajeroning weteng:

• Komponèn saka saluran cerna: lambung (gaster), usus alus, usus gedhé (kolon), caecum, umbai cacing utawa appendix.
• Organ geganep saka saluran cerna kaya: hati (hepar), kantong empedu, lan pankreas.
• Organ saluran kemih kaya: ginjel, ureter, lan kantung kemih (vesica urinaria).
• Organ liya kaya limpa (lien).

Ana uga organ mligi kang kas ing sawatara kéwan kaya struktur lambung ing ruminansia kang dipérang dadi patang ruangan, rumen, retikulumn, omasum, abomasum..

Avertebrata

Struktur ing semut pekerja.

Ing avertebrata, weteng kasusun saka lèmpèngan ndhuwur konkaf kang ingaran tergit lan lèmpèng ngisor kang konvèks utawa sternit. Ing jero weteng ana saluran pencernaan lan organ reproduksi.

Ora kaya arthropoda liyané, gegremet ora duwé sikil ing wetengé ing wangun diwasané, sanadyan ing Protura ana sikil kang rudimenter (ora tuwuh) ing telung segmen weteng pisanan.