Bintang Swa Bhuwana Paksa

Bintang Swa Bhuwana Paksa (basa Sansekerta: swa ateges mandhiri; bhuwana ateges papan padunungan, dunya; paksa tegesipun suwiwi) inggih punika salah satunggaling wujud bintang tandha kaurmatan ingkang dipunwedalaken lan dipunparingaken déning Tentara Nasional Indonésia Angkatan Udara Républik Indonésia kanggé anggota korpsipun ing babagan militèr ingkang sampun ngetingalaken kaprigelanipun, kawicaksananipun, lan ugi jasa-jasa ingkang sanget luar biyasa ingkang sampun nglangkungi tugas kuwajibanipun tanpa ngrugèkaken tugasipun ingkang baku.

Bintang Swa Bhuwana Paksa

Bintang Swa Bhuwana Paksa inggih punika minangka bintang TNI Angkatan Udara ingkang kapérang saking tigang kelas, inggih punika:

1. Bintang Swa Bhuwana Paksa Utama
2. Bintang Swa Bhuwana Paksa Pratama
3. Bintang Swa Bhuwana Paksa Nararya

Wujudipun Bintang

Bintang Swa Bhuwana Paksa dipundamel saking logam, ingkang wujudipun kados ingkang sampun dipunlukis ing gambar inggih punika satunggaling bintang kanthi sudhut 17 kanthi garis tengah 55 mm kanggé Bintang Swa Bhuwana Paksa Utama, lan kanti garis tngah 45 mm kanggé Bintang Swa Bhuwana Paksa Pratama lan Bintang Swa Bhuwana Paksa Nararya. Ing sisihipun bintang mau ugi dipungambabaraken segi gangsal ingkang minangka simbol saking Angkatan Udara Republik Indonésia, ingkang ngewrat teges Pancasila. Wonten ing sak ngajengipun segi gangsal mau dipungambaraken satunggaling perisai ingkang wujudipun meh kados bunderan, ingkang gadhah teges golong giligipun tekad (tekad ingkang kuwat). Lan ing sak ngajengipun perisai dipungambaraken Lambang Angkatan Udara Swa Bhuwana Paksa. Rerangkéning kapuk lan pari inggih wonten ing sak kiteripun segi gangsal. Sak pang pari ing sisih kering lan tengen cacahipun 45 iji, déné kembang kapuk ing sisih tengen lan kering cacahipun 8 iji. Ingkang punika minangka pengetan dinten Proklamasi Kamardikan Indonésia ing tanggal 17 Agustus 1945. Bintang swa Bhuwana Paksa mau dipungantungaken wonten ing satunggaling pengait gambar gangsal kembang tanjung minangka ingkang kanggé ngaitakek bintang wonten ing pita kalung lan pita gantung. Bintang Swa Bhuwana Paksa Utama wernanipun sadaya emas lan dipunsukani satunggaling Patra ingkang wujud lan wernanipun sami, kanthi ukuran ingkang langkung ageng inggih punika kanthi garis tengah 75 mm. Bintang Swa Bhuwan Pratama wernanipun sadaya emas lan bedanipun mapan wonten ing pita gantungipun. Bintang Swa Bawana Paksa Nararya sadayanipun warna emas lan ingkang bdakaken wonten ing corak pita gantungipun. Lan ing sisih wingkingipun bintang wonten seratan Republik Indonesia.

Pita kalung saking Bintang Swa Bhuwana Paksa Utama ukuran ambanipun 35 mm lan dawanipun 55 mm, kanthi gadhah warna dhasar Air Force Blue lan dipunhiasi kanthi 6 lajur ingkang wernanipun jené emas kanthi amabanipun saben lajur inggih 2 mm. Pita gantung saking Lintan Swa Bhuwana Pratama gadhah ukuran amabnipun 35 mm lan dwanipun 55 mm, kanthi warna dhasaripun Air Force Blue lan dipunhiasi kanthi 5 lajur wernanipun jene emas. Pita gantung Swa Bhuwana Paksa Nararya inggih kanthi ukuran ambanipun 35 mm lan dawanipun 55 mm, kanthi wernanipun air force blue, ingkang dipunkiteri déning 4 lajur wernanipun jene emas. Déné pita harian Bintang Swa Bhuwana Pasa wernanipun inggih sami kaliyan pita ingkang sampun mau ing nginggil, kanthi ukuran dawanipun 35 mm lan ambanipun 10 mm.