Bronkitis
Bronkitis ya iku salah sawijiné lelara amarga ana peradangan ing bronkus (saluran hawa menyang paru-paru).[1] Lelara iki padatan duwé sipat ringan lan ing pungkasané bisa mari kanthi sampurna.[1] Bronkitis kadadèn amarga ana infèksi, kaya ta radang tenggorokan, campak, lan watuk rejan. Lelara iki disebabaké virus lan baktèri.[1]
Peradangan selaput lendir ing saluran bronkial paru-paru nuwuhaké iritasi ing lapisan tipis wujud mèmbran ing saluran bronkial mau.[2] Banjur aboh lan dadi gedhé, saéngga nyiutaké lan bisa nutupi saluran hawa saka trakéa tumuju paru-paru.[2] Ciuté saluran napas iki nuwuhaké dahak lan lendir sing ngrangsang watuk minangka réspon refleks sing makarya kanggo ngresiki cuwèran utawa lendir saka paru-paru.[2]
Ing padatan, bronkitis asring kadadèn amarga pilek utawa infèksi napas liyané.[3] Sawetara bronkitis kronis kahanané luwih parah, ya iku iritasi utawa peradhangan ing bronkus.[3] Kasenengan ngrokok dadi salah siji jalaran utaman kena lelara bronkitis.[3]
Jinis
besutMiturut suwé kadadéyané, lelara bronkitis dipérang dadi loro, ya iku:
- Bronkitis akut, perdhangan paru-paru kang suwéné seminggu nganti telung minggu. Padatan disebabaké infèksi virus lan baktèri, sarta bahan kimia kaya ta mbako.[2]
- Bronkitis kronis, ya iku gangguan kang suwé ing endi peradhangan lan prodhuksi dahak bisa kadadéan paling sedhéla telung sasi ing wektu setaun. Padatan bronkitis kronis dialami pecandu rokok berat.[2]
Sabab
besutPadatan bronkitis dijalari déning infèksi-infèksi paru-paru. Kira-kira 90% saka infèksi mau asalé saka virus, 10% saka baktèri.[4] Bronkitis kronis bisa dijalari siji saka sawatara faktor.[4] Serangan-serangan kang bola-bali saka bronkitis akut bisa nglemahaké lan ngiritasi saluran-saluran hawa bronkial lumantar wektu, bisa njalari dadi bronkitis kronis. Sabab liyané ya iku polusi indhustri.[4] Bronkitis kronis tinemu ing awak para pekerja tambang, bakul wiji pari-parian, wong nggawé cetakan metal, lan wong-wong liya kang terus kena bledhug.[4] Nanging, sabab mligi ya iku ngrokok kang abot lan suwé kang pungkasané ngiritasi tabung-tabung bronkial lan njalari paru-paru ngasilaké lendir kang akèh.[4] Tandha-tandha-tandha-tandha saka bronkitis kronis uga bisa tambah parah amarga ana sulfur dioksida lan polutan-polutan liya ing atmosfer.[4]
Tandha-tandha
besutPangobatan
besutCara nambani kanthi konvensional kanggo bronkitis ya iku mawa cara-cara kang prasaja, kaya ta ngaso kang akèh, akèh ngombé ciran-cuwèran, ngindhari abluk rokok lan abluk-abluk, lan manawa éntuk resep kanggo inhaled bronchodilator utawa sirup watuk.[6] Ing kasus kang abot saka bronkitis akut, steroid-steroid kang dicecep utawa oral kanggo ngelongi peradhangan utawa suplemen oksigèn kang diprelokaké.[6]
Madu lan jeruk lemon uga bisa dadi tamba lelara bronkitis amarga bisa ngènthèngaké watuk amarga bronkitis lan bisa ngadhemaké tenggorokan.[7] Madu lan jeruk lemon uga migunani banget kanggo nglonggaraké saluran ambegan kang macet amarga watuk lan gangguan liya amarga bronkitis.[7]
Cathetan suku
besut- ↑ a b c Seputar Bronkitis Archived 2012-10-12 at the Wayback Machine.(diundhuh 20 September 2012)
- ↑ a b c d e Penyebab penyakit bronkitis kronis dan akut Archived 2012-09-19 at the Wayback Machine.(diundhuh 24 September 2012)
- ↑ a b c Bronkitis Archived 2012-08-06 at the Wayback Machine.(diundhuh 22 September 2012)
- ↑ a b c d e f Informasi tentang Bronkitis Archived 2013-01-14 at the Wayback Machine.(diundhuh 24 Januari 2013)
- ↑ a b c d e f g h i Bronkitis-Paru-paru Basah Archived 2012-10-29 at the Wayback Machine.(diundhuh 24 Januari 2013)
- ↑ a b Penyakit Pernapasan (bronkhitis) Archived 2013-03-06 at the Wayback Machine.(diundhuh 21 Fèbruari 2013)
- ↑ a b Cara Mengobati Bronkitis(diundhuh 21 Fèbruari 2013)